سهرۆكێ ههرێما كوردستانێ پێشوازى ل بالیۆزێ بریتانیا ل عیراقێ كر و چهندین تهوهرێن گرنگ گۆتۆبێژكرن.
سپێدههییا ئهڤرۆ نێچیرڤان بارزانى، سهرۆكێ ههرێما كوردستانێ پێشوازى ل مارك برایسۆن، بالیۆزێ بریتانیا ل عیراقێ و شاندێ دگهلدا كر.
سایتێ فهرمى یێ سهرۆكاتییا ههرێما كوردستانێ راگههاند، د كۆمبوونێ دا دوماهى پێشهاتێن رهوشا عیراقێ و ئاستهنگێن بهرامبهر پرۆسا سیاسى و كێشهیێن ههولێرێ و بهغدا و رهوشا نافخۆ و ههلبژارتنێن بهێت یێن ههرێما كوردستانێ و پرۆسا چاكسازییان ل وهزارهتا پێشمهرگهى و ئێكگرتنا هێزێن پێشمهرگهى و پێشخستنا پهیوهندییێن بریتانیا دگهل عیراقێ و ههرێما كوردستانێ هاتنه گۆتۆبێژكرن.
ههروهسا ههردوولا دۆپاتى ل گرنگییا گههشتنا هێز و لایهنێن عیراقى ب لێكتێگههشتن بۆ دهربازكرنا ئالۆزییێن بهرامبهر پرۆسا سیاسى و پێدڤییا پاراستنا ئێمناهییا ئهمنى و سیاسى یا وهلاتى و دۆپاتى ل پێدڤییا باشتركرنا خزمهتگوزارییان ل وهلاتى كر.
سهبارهت كێشهیێن ههولێرێ و بهغدا، سهرۆكێ ههرێمێ دۆپاتكر چارهسهرییا كێشهیێن حكومهتا ههرێمێ و حكومهتا فیدرال یا عیراقێ كلیلا ئێمناهییێ و چارهسهرییا كێشهیێن عیراقێ یه، و ئالۆزكرنا كێشهیان د بهرژهوهندییا چ لایهنان دا نینه.
ژلایهكێ دى ڤه، گرنگییا ئێكرێزییا لایهنێن كوردستانى ل بهغدا و هاریكارى و ههماههنگی د بوارێن رووبرووبوونا تاوان و مادێن هۆشبهر و پرسا كۆچ و كۆچبهران و پێشهاتێن دهڤهرێ بگشتى، تهوهرهكێ دى یێ كۆمبوونێ بوون.
