دەستەیا وەبەرئینانێ ئاشکرا کر: ل سەر داخوازا وەلاتییان دەمێ پر کرنا فۆرمێن شوقێن کرێداران بۆ دو رۆژان هاته درێژ کرن و وەلاتی دشێن فۆرمان پر بکەن.
ژێدەرەکی ژ دەستەیا وەبەرئینانێ بۆ ئاژانسا خانی دیار کر” پتر ژ 100 ھزار کەسان فۆرم بۆ وەرگرتنا شوقێن کرێداران ل سەرانسەری ھەرێما کوردستانێ پر کرینە و پرۆسە ژی ھێشتا یا بەردەوامە، ھەر چەندە بڕیار بوو پر کرنا فۆرمان ب دووماھی بھێت، بەلێ ل سەر داخوازا وەلاتییان بۆ دەمێ دو رۆژان ھاتییە درێژ کرن.
وی ژێدەری گۆت ژی” ھەر وەلاتییەکێ مەرج لده‌ف ھەبن و ھەتا نوکە نەگەھشتبیت فۆرمێ پر بکەت، پێدڤییە د دەمێ دو رۆژێن داھاتی دا لەزێ بکەت بۆ پر کرنا فۆرمێ و داكو كه‌س بێ به‌هر نه‌بیت و ئەڤە دووماھی دەلیڤەیە بۆ وەلاتییان.
