سوید: ئه‌و كوردێن داخوازكری یێن هه‌لگرێن ره‌گه‌زناما سویدی راده‌ستی توركیا ناكه‌ین

سه‌رۆك وه‌زیرێن سویدێ گوت: ئه‌و كه‌سێن كو وه‌لاتیێن سوێدى نینن و توركیا داخواز دكه‌ت دێ  لدووڤ یاسایا نێڤده‌وله‌تى و یاسایێن سوێدى یا گرێدایی راده‌ستكرنا داخوازكریان مامه‌له‌ دگه‌ل هێته‌ كرن .

ماگدالینا ئه‌ندێرسن” د چارچوڤێ كۆنفرانسه‌كى دا گوت: دزانم نوكه‌ دناڤ جڤاكێ كوردى دا دلگرانیه‌كا مه‌زن هه‌یه‌ و باوه‌رم دو بابه‌تێن گه‌له‌ك گرنگ دڤێت بهێنه‌ به‌حسكرن ئێك ژ وان ئه‌وه‌” چ ده‌مان وه‌لاتیێن سوێدى راده‌ستى توركیا ناكه‌ین ” چونكی دزانم هنده‌ك ژ وان وه‌لاتیێن سوێدى نه‌ و گه‌له‌ك د دلگرانن و ب پشتراستى ڤه‌ دبێژم چ  ده‌مان ئه‌و وه‌لاتیێن سوێدى ناهێنه‌ راده‌ستكرن .

ناڤهاتییێ گۆت ژی: ئه‌وێن دیتر دێ لدووڤ یاسایێن سوێد و یاسایێن نێڤده‌وله‌تى مامه‌لێ د گه‌ل راده‌ستكرنا وان دكه‌ین و دووپاتی ل وێ چه‌ندێ كر” هه‌ر وه‌لاته‌ك دناڤ واندا  ژى توركیا داخوازا راده‌ستكرنا كه‌سه‌كى ل  سوێدى بكه‌ت ده‌ستهه‌لاته‌كا سه‌ربه‌خۆ ل سوێد هه‌یه‌ كو ئه‌و لدووڤ یاسایێن سوێد و یاسایا نێڤده‌وله‌تى یێن گرێدایی راده‌ستكرنا داخوازكریان به‌رسڤا وێ داخوازێ ده‌ین” ئه‌ڤه‌ د ده‌مه‌كێ دایه‌ كو به‌رى چه‌ند رۆژان هه‌ر ئێك ژ توركیا و سوێد و فیله‌ندا یاداشته‌كا لێكتێگه‌هشتنێ د په‌راوێزا گۆپیتكا ناتۆ ل مه‌دریدا پایته‌ختێ ئیسپانیا ئیمزاكر.

لدووڤ ناڤه‌رۆكا یاداشتێ دڤێت سوێد 73 كه‌سێن داخوازكرى ژلایێ ئه‌نقه‌را ڤه‌ راده‌ستى توركیا بكه‌ت د به‌رامبه‌ردا ژى توركیا ره‌زامه‌ندى ل سه‌ر ب ئه‌ندامبوونا هه‌ر ئێك ژ سوێد و فینله‌ندا د ناتۆ دا دده‌ت .

ئه‌و 73 كه‌سێن ژلایێ توركیا ل سوێد د داخوازكرى هژماره‌كا وان سه‌ر ب په‌كه‌كێ ڤه‌نه‌ و هنده‌كێن دى ژى ئه‌ندامێن رێكخراوا فه‌تحوللا گوله‌نن كو ب تیرۆرست بناڤكرینه‌.