مسته‌فا كازمى: ژ ئه‌گه‌رێ نه ‌په‌سه‌ندكرنا بودجه‌يى خزمه‌تگۆزاری گيرو دبن

ئه‌ڤرۆ ئێكشه‌مبی 3/7/ 2022 ێ” سه‌رۆك وه‌زيرێن عيراقێ ره‌خنه‌ ل نه‌بوونا بودجێ گشتى یێ حكومه‌تا عیراقێ گرتن و ديار كر” نه‌ په‌سه‌ندكرنا بودجه‌یی بوویه‌ ئه‌گه‌رێ گيرۆبوونا پێشكێشكرنا خزمه‌تگۆزاريان بۆ وه‌لاتییان.

مسته‌فا كازمى گۆت ژی: خه‌لكى خزمه‌تگۆزارى و ده‌ليڤێن كارى ژ حكومه‌تێ دڤێن و نه‌يا به‌رئاقله كو د شيانێن حكومه‌تێ دا نه‌بيت ڤێ چه‌ندێ بجهبينيت ژ به‌ركو‌ بودجه‌ نه‌هاتيیه‌‌ په‌سه‌ند كرن ژ به‌ر پێكنه‌ئينانا حكومه‌تا نوو یا عیراقێ.

ناڤهاتی گۆت ژی: ئه‌ڤ حكومه‌ته‌ د دو سالێن خۆ دا د كاودانێن دژوار دا بوریيه‌، ل سالا 2020 ێ بودجه‌ نه‌بوو، ل سالا 2021 ێ” بودجه‌ هه‌بوو و ل سالا 2022 ێ ژى بودجه‌ نينه‌، دێ چا‌وا حكومه‌ت بێى بودجه‌یی شێت كار بكه‌ت و باشترين خزمه‌تان پێشكێش كه‌ت.