<h3 style="text-align: justify;"><span style="font-size: 18pt;"><strong>رێڤهبهرییا گشتییا گهشتوگوزارێ ل پارێزگهها دهوكێ بهرههڤییان بۆ ڤهكرنا پێشانگهها دووێ یا نێڤدهولهتییا گهشتوگوزارێ ل پارێزگهها دهوكێ دكهت.</strong></span></h3> <h3 style="text-align: justify;"><span style="font-size: 18pt;"><strong>رێوار محهمهد رهشید، پهیڤدارێ رێڤهبهرییا گشتییا گهشتوگوزارێ ل پارێزگهها دهوكێ تایبهت بۆ ئاژانسا خانى راگههاند: ل سالا بوورى ب ههلكهفتا رۆژا جیهانى یا گهشتوگوزارێ پێشانگهها ئێكێ یا نێڤدهولهتییا گهشتوگوزارێ ل پارێزگهها دهوكێ ب شكدارییا زێدهترى 140 كومپانیێن گهشتیارى یێن بیانى و نافخۆیی هاتبوو ڤهكرن، و بۆ ب هێزكرنا بازارێ گهشتیارى بهرههڤی بۆ ڤهكرنا گهرا دووێ یا پێشانگهها نێڤدهولهتییا گهشتیارى دئهڤ ساله دا هاتینه كرن، و ئارمانجا وان ئهوه كو زوورترین رێژا كومپانی یێن بیانى پشكدارییێ دئهڤێ پێشانگههێ دا بكهن و ژ نوكه و وێڤه پشتبهستنا وان ب تنێ لسهر گهشتیارێن پارێزگههێن عیراقێ نهبیت كو سهرهدانا پارێٍزگهها دهوكێ بكهن، بهلكو گهشتیار ژ دهرڤهى وهلاتى ژى سهرهدانا پارێزگههێ بكهن.</strong></span></h3> <h3 style="text-align: justify;"><span style="font-size: 18pt;"><strong> ل دۆر ئامارا هاتنا گهشتیاران ناڤبرى گوت: سال بو سالێ رێژا هاتنا گهشتیاران بۆ پارێزگهها دهوكێ بهرهڤ زێدهبوونێ دچیت، كو ل سالا بوورى ملیۆنهك و 500 هزار گهشتیاران سهرهدانا پارێزگهها دهوكێ كربوو و دئهڤ ساله دا ههتا دووماهییا ههیڤا گولانێ نێزیكی 900 هزار گهشتیاران سهرهدانا پارێزگهها دهوكێ كرییه، و رێڤهبهرییا وان ههموو بزاڤان دكهت ئهڤ ساله رێژا گهشتیاران ژ سالا بووری زێدهتر لێ بكهن و ب باشترین شێوه پێشوازییا وان بكهن.</strong></span></h3>
