عسمەت رەجەب: داعشێ ئەو ھێز نەمایە باژێڕان داگیر بکەت

بەرپرسێ بەرێ یێ لقا پارتی ل مووسل گۆت: ھێشتا مەترسییێن داعشێ لسەر عێراقێ هه‌نه‌ لێ  وێ رێكخراوێ وه‌كو به‌رێ شیان نه‌ماینه‌ باژێران داگیربكه‌ت.

عسمەت رەجەب، بەرپرسێ بەرێ یێ لقا پارتی ل مووسل بۆ ئاژانسا خانی دیارکر ھێشتا مەترسییێن داعشێ ل عێراقێ ماینە، ب تایبەتی ل دەڤەرێن سونە مەزھەب، چەکدارێن داعش ل سەر کریارێن خۆ یێن تیرۆرستی دبەردەوامن و ب رێیا شانێن نڤستی کارێ خوه‌ بۆ تێکدانا رەوشا عێراقێ دکەت.

ناڤهاتی ئاشکرا ژی کر، داعشێ ئەو ھێز نەمایە دەست ب سەر چو دەڤەرێن عێراقێ دا بگریت یان ژی وەک بەرێ باژێڕەکی داگیر بکەت، بەلێ دشیاندایە ب شێوه‌یێ گرۆپ کریارێن تیرۆرستی بكه‌ت و ئالۆزیان پەیدا بکەت، ھەموو گرۆپ و تاقمێن تیرۆرستی ل عێراقێ چووینە ناڤا داعشێ و ئەز باوەرناکەم داعش رێکێ بدەت چو گرۆپێن دی پەیدا ببن ژ بلی وان.