سه‌ركرده‌یه‌كێ داعشێ ل سووریێ هاته‌ كوشتن

به‌رپرسێن وه‌زاره‌تا به‌ره‌ڤانییا ئه‌مریكا پێنتاگون راگه‌هاند، ماهر ئه‌لعه‌قالى كه‌سێ ئێكێ یێ داعشێ ل سوریا كو ئێك ژ چوار سه‌ركرده‌یێن مه‌زن یێن رێكخراوێ بوو، ل سپێده‌هییا ئه‌ڤرو دهێرشه‌كا ئاسمانى یا ئه‌مریكا دا هاته‌ كوشتن.

ل دووڤ میدیایا ئه‌مریكا ماهر ئه‌لعه‌قال و جێگرێ وى پێكڤه‌ بووینه‌ ئارمانج لێ كوشتنا جێگرێ وى نه‌هاتییه‌ پشتراستكرن، په‌یڤدارێ ناڤه‌ندى یێ هێزێن ئه‌مریكا پشتراستكر كو ماهر ئه‌لعه‌قال لده‌مێ هاژوتنا ماتورسیكله‌كێ ل نێزیك باژێركێ جندریس یێ سه‌ر ب عه‌فرینێ ڤه‌ كو لبن ده‌ستێ گروپێن چه‌كدار یێن نێزیكى توركیا یه‌، هاتییه‌ كوشتن و ئێك ژ هاریكارێن وى یێن مه‌زن برینداربوویه‌، وه‌شاندنا ڤێ گورزێ مه‌زن ل داعشێ ب تنێ ب روژه‌كێ پشتى سه‌ره‌دانا جۆ بایدن سه‌روكێ ئه‌مریكا بۆ روژهه‌لاتا ناڤین هات، كو بریاره‌ روژا چوارشه‌مبی بگه‌هیته‌ ئیسرائیل و ژماره‌كا كۆمبوونان ل وێرێ و ل كه‌رتێ روژئاڤا بكه‌‌ت و پشتى وێ دێ چیته‌ سعودیه‌.