ب هەلکەڤتا بورینا سێ سالان ل سەر دەستبکاربوونا کابینا نەهێ یا حکومەتا هەرێما کوردستانێ، مەسرور بارزانی سەرۆکێ حکومەتا هەرێما کوردستانێ د گوتارەکێ دا راگەهاند،”هەر ژ دەستبکاربوونا ڤێ کابینەیێ، هەرێما کوردستانێ و جیهان بگشتی، بەرهەنگاری قەیرانەکا ساخلەمییێ بوو کو بەلاڤبوونا ڤایرۆسێ کۆرۆنا بوو، د ئەنجامدا قەیرانا دارایی سەرهلدا و تا نوکە ژی کارتێکرنێن وێ ماینە.”
سەرۆکێ حکومەتێ د گوتارا خۆ دا ئاماژەکر،”حکومەتا فیدرال ژی، ژبلی چەند مەهێن کێم نەبن کوژمێ پارەی یێ تەرخانکری بۆ تمامکرنا مووچەی کو 200 ملیار دینارن نە هنارت.”
مەسرور بارزانی گوت:” هەر وەسا چەندین بزاڤێن دەرەکی و ناڤخۆ بۆ ژ کار ئێخستنا حکومەتێ هاتنە کرن، بەلێ حکومەت شیا ب رێیا پلان و بەرنامە و چاکسازییێن خۆ، تا رادەکێ باش وان قەیرانان دەرباز بکەت.”
