ئه‌و فەرمانبەرێن مووچێ وان پتر بیت ژ ملیۆنه‌ك و ٥٠٠ ھزار دیناران دێ ئەرزاقێ وان ھێتە برین

ئاژانسا خانی ” تایبەت:

بەرپرسەکێ وەزارەتا بارزگانی ئاشکرا کر، ئه‌و فەرمانبەرێن مووچێ وان بگەھیتە ملیۆنه‌ك و ٥٠٠ ھزار دیناران دێ پشکا ئەرزاقێ وان یێ ھەیڤانە ھێتە بڕین و ھەتا نوکە ئەرزاقێ ھژمارەکا کەسان ھاتییە بڕین.

نەوزاد شێخ کامل، رێڤەبەرێ گشتی یێ بازرگانی بۆ ئاژانسا خانی دیارکر” پرۆسا بڕینا پشکا ئەرزاقێ ھەیڤانە یێ وان فەرمانبەرێن مووچێ وان پتری ملیۆنه‌ك و ٥٠٠ دیناران دەستپێکرییە و ھەتا نوکە ئەرزاقێ ھژمارەکا وان کەسان ھاتییە بڕین یێن مووچێن وان پتری ملیۆنه‌ك و نیڤا پرۆسە دێ بەردەوام ژی بیت، بەلێ دێ ناڤێن وان ھەر مینن ناڤا فۆرمێن ئاھێن خوارنێ و ب تنێ ئەرزاق دێ ژێ ھێتە بڕین.

ناڤهاتی گۆت ژی” وەزارەتا بازرگانییا عێراقێ دێ ناڤێن وان کەسان دەتە بازرگانییا ھەرێما کوردستانێ یێن مووچێ وان ل سەر حوکمەتا عێراقێ نە، ھەتا ئەرزاقێ وان بھێتە بڕین، چونکی ناڤێن وانا ل رێڤەبەرییا فۆرمێن خوارنێ ل ھەرێما کوردستانێ ھاتینە تۆمار کرن.