ده‌رییێ سنوورى یێ حاجى ئومه‌ران ئاگه‌هدارییه‌ك به‌لاڤكر

به‌شێ راگه‌هاندن و په‌یوه‌ندییێن ده‌رییێ سنوورى یێ حاجى ئومه‌ران ئاگه‌هدارییه‌ك ده‌رباره‌ى چوونا خه‌لكێ هه‌رێما كوردستانێ بۆ وه‌لاتێ ئیرانێ به‌لاڤكر.

راگه‌هاندنا ده‌رییێ سنوورى یێ حاجى ئومه‌ران دیاركر، ل دۆڤ رێنمایێن ساخله‌مییا وه‌زاره‌تا ساخله‌مییا ئیرانێ، ب تنێ رێ ب وان كه‌سان دهێته‌دان سه‌ره‌دانا ئیرانێ بكه‌ن یێن كارتێن دانانا ڤاكسینا دژى كۆرۆنایێ هه‌ین، یانژى پشكنینا ( PCR ) یا نه‌رێنى ( نێگه‌تێف ) یا دووماهى 72 ده‌مژمێران دگه‌لدا بیت، له‌وما هه‌ر كه‌سێ ئه‌ڤ به‌لگه‌نامه‌ دگه‌لدا نه‌بن، بلا سه‌ره‌دانا ده‌رییێ سنوورى نه‌كه‌ت داكو تووشى چ ئاریشه‌یان نه‌بیت.