مەسرور بارزانی: دگەل حکومەتا فیدڕال د هەماهەنگییێ داینە بۆ ئەنجامدانا ڤەکۆلینەکا هویربین و بەرفرەهــ”.
مەسرور بارزانی سەرۆکێ حکومەتێ: تۆپبارانکرنا هەڕەمەکییا هاڤینگەهێن زاخۆ ژ لایێ هێزێن تورکیاڤە کو چەندین کەسێن سیڤل بووینە قوربانی، ب توندترین شێوە ئیدانە دکەم.
مەسرور بارزانی راگەهاند،”تۆپبارانکرنا هاڤینگەهەکا زاخۆ ژ لایێ هێزێن تورکیا ڤە کو چەندین کەسێن سڤیل بوونە قوربقنی، ب توندترین شێوە ئیدانە دکەم”.
سەرۆکێ حکومەتێ ئاماژە کریە،” من وەزیرێ ساخلەمییێ د. سامان بەرزنجی هنارتییە جهێ تۆپبارانێ و دگەل سەرپەرشتیارێ ئیدارا سەربەخۆ یا زاخۆ ژی ئاخڤتیمە کو یا پێدڤی بیت بۆ برینداران و وان خێزانێن خوشتڤییێن خو ژ دەستداین ئەنجام بدەن.”
مەسرور بارزانی دیارکرییە، “چ بهانە بۆ هێرشکرنا سەر خەلکێ سڤیل نینن، ئەڤ جورە روودانە بۆ چەندین جارانە دوبارە دبن، لەورا پێدڤییە ئەڤ هێرشە بهێنە راوستاندن، ئەم دگەل حکومەتا فیدڕال د هەماهەنگییێ داینە بۆ ئەنجامدانا ڤەکۆلینەکا هویربین و بەرفرەهــ”.
مەسرور بارزانی گوتیە،” ، بەردەوام هەرێما کوردستانێ دهێتە راکێشان بۆ ناڤ شەڕێ دناڤبەرا تورکیا و پەکەکێ دا کو زیان و ئازارەکا مەزن گەهاندییە وەلاتییێن مە و پێدڤییە ب دوماهی بهێت”.
ل دوماهییێ سەرۆکێ حکومەتێ ئاماژەکریە،” هەڤخەمم دگەل کەسوکارێن قوربانییان”.
