وهزیرێن دهرڤه یێن عیراق و ئیرانێ ب رێكا تلهفونێ ل سهر تۆپبارانكرنا گوندێ پهرهخێ و ئهنجامێن كۆمبوونا ئاستانه دناڤبهرا توركیا، ئیران و رووسیادا ئاخڤتن، وهزیرێ دهرڤه یێ ئیرانێ بۆ فوئاد حسێنى دیاركر، ئهو هێرشا توركیا ئیدانه دكهن و گوتگوتكێن بهلاڤبوونا گرۆپێن تیرۆرستى ل وێ دهڤهرێ دوورن ژ راستییێ.
وهزیرێ دهرڤه یێ ئیرانێ ئهمیر عهبدوللاهییان دراگههاندنا وهزارهتا خوهدا دیاركر، وى گوتییه وهزیرێ دهرڤه یێ عیراقێ فوئاد حسێنى، ئهو ئیدانهیا هێرشا توركیا دكهن و پشتهڤانییهكا تمام ل سهقامگێرى و ئاسایشا عیراقێ دكهن.
ههروهسا دراگههاندنا وهزارهتا دهرڤه یا ئیرانێ دا هاتییه، وهزیرێ دهرڤه یێ عیراقێ فوئاد حسێنى بۆ ئهمیر عهبدوللاهییانى دیاركرییه، كو ئهو ل جهێ روودانێ بهرههڤببوو و ل نێزیك دوڤچوونا گهورینان كرییه، و تۆپبارانكرنا وێ دهڤهرێ ب توندى شهرمزاركرییه و ئهو روودانه ب بنپێكرنا سهروهرییا عیراقێ هژمارت.
ئێك ژ تهوهرێن دى یێن دانوستاندنێن ههردوو وهزیران، ئهنجام و بریارێن كۆمبوونا توركیا، ئیران و رووسیا بوون، و ئهمیر عهبدوللاهییانى دووپاتكرییه كو پێدڤییه كێشهیێن سنوورى ب رێكا ئاشتییێ بهێنه چارهسهركرن.
