تۆنێلا چیایێ مەتینا دێ ھێتە چێكرن

ئاژانسا خانی ” تایبەت:

بریکارێ وەزارەتا ئاڤاکرنێ ئاشکرا کر، پلان بۆ چێکرنا ھژمارەکا تۆنێلان ھاتییە بەرھەڤکرن و ئێک ژ وان پڕۆژێن ستراتیژی چێکرنا تۆنێلا چیایێ مەتینایە ل پارێزگەھا دھۆکێ، کو دێ بیتە رێیەکا ستراتیژی ل دەڤەرێ.

ئاگرین عەبدوللا، زێده‌تر بۆ ئاژانسا خانی دیارکر” وەزارەتا ئاڤاکرنێ مژوولی پلانەکێ یە بۆ چێکرنا ھژمارەکا تۆنێلان ل ھەموو پارێزگەھێن ھەرێما کوردستانێ و پێنگاڤێن باش بۆ دەستپێکرنا پڕۆژێ ئاڤاکرنا پێنج تۆنێلان ھاتینە ھاڤێتن، کو ھەموو تۆنێل دکەڤنە سەر رێکێن ستراتیژی و پێدڤینە بۆ قووناغا نوکە یا ھەرێما کوردستانێ و کەرتێ رێکوپران.

ناڤهاتی گۆت ژی: ئێک ژ وان تۆنێلێن بڕیارە ژلایێ وەزارەتا ئاڤاکرنێ بھێتە چێکرن تۆنێلا چیایێ مەتینایە ل پارێزگەھا دھۆکێ، ژبەرکو ئەڤێ دەڤەرێ پێدڤی ب تۆنێلەکێ ھەیە و ئەگەر ب دووماھی بھێت دێ کاریگەریێن زۆر لسەر ھاتنوچوونا وەلاتیان ھەبیت، ھەروەسا رێیا مەتینا دێ بیتە رێیەکا ستراتیژی ل دھۆکێ، ئەم چاڤەڕێی بەرسڤا حوکمەتێ دکەین بۆ دەستپێکرنا پڕۆژێن تۆنێلا.