هه‌یڤه‌كا مۆهله‌تێ ب بریكارێن فرۆشتنا سیمكارتان هاتییه‌ دان

 

هه‌ردو وه‌زاره‌تێن ناڤخۆ و ڤه‌گوهاستنێ‌ و گەهاندنا حكومه‌تا هه‌رێما كوردستانێ د‌ راگه‌هاندنه‌كا هه‌ڤپشك دا بریار دا سیمكارتێن بێ مۆهله‌ت قه‌ده‌غه‌ بكه‌ن.

لدووڤ بەیاننامەکا هەڤپشک یا وەزارەتێن ناڤخۆ و ڤەگوهاستن و گەهاندنێ یا حكومه‌تا هه‌رێمێ، داکو سیمکارتێن نە تۆمارکری نەهێنە فرۆشتن، چونكی هندەک جاران ئه‌و سیمكارته‌ دبنە ئەگەرێ گەفان ل سەر وەلاتیێن هەرێما كوردستانێ، ژبۆ نەهێلانا ڤێ دیاردێ دناڤا بازارێن هەرێما کوردستانی دا، وەزارەتا ناڤخۆ و ڤەگوهاستن و گەهاندنێ ب هەماهەنگی ل گەل دەزگەهێ ئاسایشێ هژمارەکا بریاران دەرێخستینه‌.

دیار كرییه‌، ژ ئەڤرۆ هه‌تا 23/8/2022 ێ” مۆهلەت دێ ب هەموو کۆمپانیێن پێشکێشکرنا خزمەتگۆزاریێن پەیوەندیان و هەموو بریکارێن خۆ یێن فرۆشتنا سیمکارتان ئاگەهدار کەن” مۆهلەتا فرۆشتنێ ژ وەزارەتا ناڤخۆ و رازیبوونێ ژ ئاسایشێ وەربگرن.

ئه‌و چه‌ند ژی ئاشكرا كرییه‌، پشتی 24/8/2022 ێ” فرۆشتنا سیمکارتێن بێ مۆهلەت قەدەغەیە و هەوا داخستنا جهێن فرۆشتنا سیمکارتێن بێ مۆهلەت دێ دەستپێکەت، هه‌روه‌سا وەزارەتا ڤەگوهاستن و گەهاندنێ دێ کەمپینەکا ئاگەهدارکرنێ دەسپێکەت” له‌وما پێدڤییە خەلک سیمکارتێن خۆ ل سەر ناڤێ خۆ تۆمار بکەن.