پۆلیسێن ھەولێرێ وەلاتیەکێ دھۆکێ دەستەسەر کريیە و پەیڤدارێ پۆلیسان ژی ئاشکرا کر، وی تۆمەتباری ب ناڤێ کۆمپانیەکێ ٢٦ ملیۆن دۆلارێن وەلاتیان برینە و خەلکێ پارێزگەھا دھۆکێ یە و سالا ٢٠١٢ێ ھەمان کار ل دھۆکێ ئەنجامدایە.
موقەدەم ھۆگر عەزیز، پەیڤدارێ پۆلیسێن ھەولێرێ بۆ ئاژانسا خانی دیارکر” ھێزێن پۆلیسان کەسەک دەستەسەر کريیە و وی کەسی ب رێیا کۆمپانیەکا وەھمی ٢٦ ملیۆن دۆلارێن وەلاتیان ب فێل برینە، تۆمەتباری کۆمپانیەک بناڤێ ئەستێرەی گەل ل تاخێ برایەتی ل باژێڕێ ھەولێرێ ڤەکرییە و ب رێیا وێ کۆمپانیێ پارە ژ خەلکی وەرگرتینە ب مەرەما مفایی، بەلێ د بنەڕەتدا چو کۆمپانیا نەبووینە و ب تنێ مەرەم کۆمکرنا پارەی بوویە ب وی ناڤی.
ناڤهاتی گۆت ژی” تۆمەتبار شیایە ٢٦ ملیۆن دۆلارێن ئەمریکی ژ وەلاتیان وەربگریت و بەری نوکە ژی ل سالا ٢٠١٢ ێ ھەمان کار ل پارێزگەھا دھۆکێ ئەنجامدایە، ھەتا نوکە ١٨ سکالا ل سەر ھاتینە تۆمارکرن و ھەر کەسەکێ پارە دابیت دشێت سکالایێ تۆمار بکەت، ئەو کەسێ پارە کۆم کرین خەلکێ پارێزگەھا دھۆکێ یە و ل سالا برری ھاتییە ھەولێرێ.
