سەرۆکێ حکومەتا هەرێما کوردستانێ ب هه‌لكه‌فتا سێزده‌مین سالیا دا راگەهاندن و پشكدارییا ته‌ڤگه‌را گۆڕانێ د پرۆسا سیاسی دا پەیامه‌كا پیرۆزباهییێ به‌لاڤكر.
ده‌قێ په‌یاما سه‌رۆكێ حكومه‌تا هه‌رێما كردستانێ:
ب هه‌لكه‌فتا سێزده‌مین سالیا دا راگەهاندن و پشكدارییا ته‌ڤگه‌را گۆڕانێ د پرۆسا سیاسی دا، پیرۆزباهییێ ل هه‌موو ئەندام و ھەلسورا و لایەنگرێن ته‌ڤگه‌را گۆڕانێ دکەم و هیڤییا سەرکەفتنێ و پێشکەفتنێ بۆ دخوازم ژ پێخه‌مه‌ت خزمەتکرنا خەلكێ کوردستانێ و داکۆکیکرنێ ل دەستکەفت و پرسێن نیشتیمانی”.
سه‌رۆكێ حكومه‌تا هه‌رێمێ گۆت ژی: “ھیڤیدارم ته‌ڤگه‌را گۆڕان وەک لایەنه‌كێ گرنگ یێ پێكهاتییێ کابینا نه‌هێ یا حکومەتا ھەرێما کوردستانێ، ل گەل لایەنێن پشكدار یێن دیتر یێن حکومەتێ، پتر ھەماھەنگ و ھاریکاربن بۆ هندێ حکومەتا هەرێما کوردستانێ، کارنامێن چاکسازیێ باشتر جێبەجێ بکه‌ت و پتر خزمەتا وه‌لاتی یێن هەرێما کوردستانێ بکه‌ت ژ پێخه‌مه‌ت ئایندەكێ گەشتر بۆ گەلێ کوردستانێ”.
