سه‌رۆك بارزانى ل سه‌لاحه‌دین پێشوازى ل بالیۆزێ بریتانیا ل عیراقێ و شاندێ دگه‌لدا كر و چه‌ندین ته‌وه‌رێن گرنگ گۆتۆبێژكرن.
ئه‌ڤرۆ ل سه‌لاحه‌دین سه‌رۆك مه‌سعوود بارزانى پێشوازى ل مایك برایسۆن ریچاردسۆن، بالیۆزێ بریتانیا ل عیراقێ و شاندێ دگه‌لدا كر.
د دیدارێ دا دوماهى پێشهاتێن گۆره‌پانا سیاسى یا عیراقێ و بابه‌تێ سه‌رۆك كۆمارى و سه‌رۆك وه‌زیرێن بهێت یێ عیراقێ هاتنه گۆتۆبێژكرن. ده‌رباره‌ى پرۆسا سیاسى یا عیراقێ و حكومه‌تا بهێت، دۆپاتى ل وێ یه‌كێ هاته‌كرن كۆ پێدڤییه پرۆگرامێن حكومه‌تا بهێت ل سه‌ر بنه‌مایێ ده‌ستوورى و ل گوره‌ى پره‌نسیپێن شه‌راكه‌ت و سازانێ بن.
هه‌ر د وێ دیدارێ دا بالیۆزێ برتانیا ل عیراقێ سه‌ره‌راى ئاماژه‌دانێ ب روودانا تۆپبارانكرنا زاخۆ، دۆپاتى ل وێ یه‌كێ كر كۆ وه‌لاتێ وى پشته‌ڤانیا ئێمناهییا هه‌رێما كوردستانێ و عیراقێ دكه‌ت.
