كیم جۆنگ ئوون یێ به‌رهه‌ڤه‌ شه‌رێ ئه‌مریكا بكه‌ت

سه‌رۆكێ كۆریا باكوور كیم جۆن ئوونى داخواز ژ له‌شكه‌رێ خوه‌ كر به‌رهه‌ڤییان بۆ شه‌ره‌كێ ئه‌تومى بكه‌ن، و به‌رهه‌ڤییا خوه‌ بۆ رووبرووبوونا ئه‌مریكا دیاركر.

كیم جونگ ئوونى ژ چارچووڤێ پشكدارییا خوه‌ دبیره‌وه‌رییا 69 سالییا ئاگربه‌ستا شه‌رێ كۆریا دا دیاركر، رووبرووبوونا ئه‌مریكا گه‌فه‌كا ئه‌تۆمییه‌، و پێدڤییه‌ كۆریا باكوور ئه‌ركه‌كێ مێژویى یێ بله‌ز بۆ موكومكرنا هێزێن خوه‌ بجهبینیت، هێزێن وان یێن چه‌كدار بۆ سه‌ره‌ده‌ریكرنێ دگه‌ل هه‌ر قه‌یرانه‌كێ ب تمامى د ئاماده‌نه‌، و هێزێن وان یێن ئه‌تۆمى ژى دبه‌رهه‌ڤن ئه‌ركێ خوه‌ ب دلسۆزى بجهبینن.

ژلایه‌كێ دیڤه‌ كیم جۆنگ ئوونى هێرشى سه‌رۆكێ كۆریا باشوور كر و گوت : بزاڤێن وى بۆ بی ده‌ستهه‌لاتكرنا كۆریا باكوور دێ رووبروو به‌رسڤه‌كا ئێكلاكه‌ر و ژ ناڤچوویى بن.

ئاماژه‌ دا هندێ ژى، ئه‌و ب ئاشكرایى دبێژیت: كۆریا باكوور ب تمامى یا به‌رهه‌ڤه‌ رووبرووبوونێن له‌شكه‌رى دگه‌ل ئه‌مریكا بكه‌ت.