وه‌زاره‌تا په‌روه‌ردێ یا حكومه‌تا هه‌رێما كوردستانێ چه‌ند رێنمایێن نوو بۆ دانانا ماموستایێن وانه‌بێژ بۆ سالا خواندنێ 2022 – 2023ێ به‌لاڤكرن كو ب ئه‌ڤى شێوه‌یى نه.
1 – ئەو مامۆستایێن وانەبێژ یێن بۆ ماوێ چەند سالانه بەردەوامن دێ ل جهێ خوه مینن، فه‌رمانا كارگێرى دێ ل 14ێ هه‌تا 28ێ هه‌تاباخا 2022ێ ژ رێڤه‌به‌رییێن په‌روه‌رده‌یێن قه‌زایان ده‌ركه‌ڤیت.
2 – ڤالاهییێن قوتابخانه‌یان دێ ب ماموستایێن وانه‌بێژ هێنه پركرن، و پێدڤییه ئه‌ڤ چه‌نده دماوه‌یێ 10 رۆژان دا بیت ژ 14ێ هه‌تا 24ێ ته‌باخا 2022ێ.
3 – ل سالا نوو یا خواندنێ دانانا ماموستایێن وانه‌بێژ دێ ل دووڤ میلاكى بیت.
4 – ل ده‌مێ دانانا ماموستایێن وانه‌بێژ، ئه‌وله‌ویه‌ت دێ بۆ كۆلیژێن ( په‌روه‌رده، په‌روه‌رده و بنیات، په‌روه‌رده‌یا وه‌رزشى ) بۆ به‌شێن (وەرزش، کیمیا، فیزیا، زیندەوەرزانی، بیرکاری، زمانێ عەرەبی، زمانێ ئینگلیزی، زمانێ کوردی، باخچەیێن زارۆكان، زانستەکان، کۆمپیوتەر، کۆمەلایەتی و مێژوو و جوگرافی و پەروەردەیا تایبەت).
5 – وەک یەدەک پشتى تمامبوونا کۆلیژێن پەروەردە ، وەک وانەبێژی دێ هێنه دانان.
– کۆلیژا زانست بۆ بەشێن (کیمیا، فیزیا، زیندەوەرزانی، بیرکاری و کۆمپیوتەر)
– کۆلیژا ئاداب بۆ بەشێن (ئینگلیزی، کوردی، عەرەبی، مێژوو، جوگرافیا، کۆمەلایەتی)
– کۆلیژا زمان بەشێ (زمانێ کوردی، زمانێ عەرەبى، زمانێ ئینگلیزی)
– کۆلیژا کارگێری و ئابووری بەشێ (ئابووری)
– کۆلیژا زانستێن ئیسلامی بەشێ (شریعە) خواندنا ئیسلامی، بنەمایێن ئایینى
– هه‌موو پەیمانگەهێن سەر ب وەزارەتا پەروەردە وەک (پ/ کۆمپیوتەر پ / وەرزش پ / ھونەرێن جوان) پێنج ساڵی .
6 – ل ده‌مێ دانان مامۆستایێن وانەبێژێن نوو باوه‌رنامه‌یا دەرچوویێ ھەرێمێ (10) خالن و ژده‌رڤه‌ى ھەرێمێ (2) خالن.
7 – ل ده‌مێ دانانا مامۆستایێن وانەبێژێن نوو، دێ نوكه وه‌ك وانه‌بێژ ده‌ستبكاربن، ھەر ساله‌كا دەرچوونێ دێ ب (2) خالان هێته ھژمارتن، ب مه‌رجه‌كى ژ (5) سالان زێده‌تر نەبێت .
8 – ل ده‌مێ دانانا مامۆستایێن وانەبێژ، ئەو ماموستایێن وانه‌بێژ یێن هاتینه لادان یان میلاك هاتییه جهێ وان، ل ده‌مێ دووباره دانانا وان وه‌ك وانه‌بێژ، بۆ هه‌ر ساله‌كا خواندنێ ( 5 ) خال دێ هێنه هژمارتن، ب مه‌رجه‌كى ژ ( 3 ) سالان زێده‌تر نه‌بیت.
9 – ل ده‌مێ دانانا ماموستایێن وانه‌بێژێن نوو یێن كو دێ ده‌ستبكاربن ئه‌گه‌ر خێزانداربن دێ ( 5 ) خال بۆ هێنه هژمارتن.
10 – ل ده‌مێ دانانا ماموستایێن وانه‌بێژێن نوو یێن كو دێ ده‌ستبكاربن، شه‌هید ل رێزا ئێكێ یه ده‌یك، باب، خووشك و برا ( 10 ) خال ل سه‌رن.
11 – دنوكه‌دا ده‌ستهه‌لات ب رێڤه‌به‌رییێن په‌روه‌رده‌یێن قه‌زایان بۆ دانانا ماموستایێن وانه‌بێژ هاتییه دان.
