رێڤه‌به‌رێ نووی یێ به‌نكا زانكۆیا دهوكێ ده‌ستبكاربوو

ئه‌ڤرو 4ى ته‌باخا 2022ێ ب ئاماده‌بوونا شه‌معون شلیمون ایشو جێگرێ پارێزگارێ دهوكێ دچارچوفێ وان گوهورینێن به‌رده‌وام یێن حكومه‌تا هه‌رێما كوردستانێ و ئیدارا پارێزگه‌ها دهوكێ دناڤ دام و ده‌زگایێن سنورێ پارێزگه‌هێ دا، رێوره‌سمێن گهورینا رێڤه‌به‌رێ به‌نكا زانكۆیا دهوكێ ب رێڤه‌چون و تێدا خه‌تیر ئه‌كره‌م ئه‌حمه‌د  ب فه‌رمی وه‌كو رێڤه‌به‌رێ نوو یێ به‌نكا زانكۆیا دهوكێ ل شوونا ناریمان حه‌كیم ده‌ستبكاربوو.

پشتی رێوره‌سما جێگرێ پارێزگارێ دهوكێ دپه‌یڤه‌كێدا ده‌ستخووشی و سوپاسی ئاراسته‌ی رێڤه‌به‌را به‌رێ كر بو وێ خزمه‌تا كرى، و پیروزباهی ل رێڤه‌به‌رێ نووی كر و خواست دئه‌ركێ خوه‌دا یێ سه‌ركه‌فتی بیت.