بۆ ڕایا گشتی

ئیسماعیل سلێمان هاجانی

گۆتگۆتکەک هەیە ناحیا باتێلێ ب چتە سەر ئیدارا زاخو، ئەڤە شاشیەکە مەزنە دەرهەقێ خەلکێ دەڤەرێدا، چنکۆ پرانیا خەلکێ باتێلێ و گوندێن ب سەرڤە دوو مالن، مالەک ل سێمێلێ یە ومالا دی وەک بانەهی ل دەڤەرا باتێلێ یە.. هەموو گۆندێن هاجا ل سێمێلێ ومسیریکێ نە، کچا پرانی مالێن وان ل سێمێلێ نە هەروەسا خێرکی. یا ژ هەموویێ گرنگتر گوندێن هەوێریا کو برایێن مە یێن ئێزدی هەموو خێر و شەرێن وا ل سێمێلێ نە ئێزدیێن وەلاتی هەموو ل کومەلگەها خانکێ و شاریانە، تەواف و جەزن و رێ ورسمێن وان ل سنورێ قەزا سێمێلێ نە. هەر جار ب کوتەکی دشێن بەربژێرەکی ئێزدی دەربێخن سوبەهی ل پەرلەمانی ببت زمان حالێ وان. هەکە ئەو گۆندێن سنورێ ناوچا باتێلێ چوون سەر زاخو ئێدی مەحالە ئێزدیەک ل هەلبژارتنا دەرکەڤت، کو سوبەهی بەرەڤانیێ ژ تایبەتمەندیێن وان بکن.

خالەک دی بەرێ خەلکێ باتێلێ و گۆندێن دەردورا وێ ل بازار سێمێلێ یە، نوژدار و چارەسەری بەرێ وان لدهوکێ یە، خالا ژ هەموویێ گرنگتر سنورێ سرۆشتییێ ناوچا باتێلێ چیایێ سپی یە و چیا سنورەکی سڕۆشتیە و هەروەسا دەشتا سلێڤانەیا تمامکەرا دەشتا دووبانێ و لحفا قائیدیانە، چوونا باتێلێ بۆ سەر ئیدارا زاخو دابرانەکا جڤاکی و جۆگرافی دورست دکت، دەمێ خوەدا ناحیا رزگاری نەبوو گۆندێن لێفێ ژ برجوینی و ئەرمشتێ و بێزهێ بگرە هەتا قەرەولا و پێشابیرێ و دێرەبوونێ هەموو ب سەر ناحیا ئاسیهێ ڤەبوون، پشتی سالا ۱۹۷٥ێ خەلکێ ناحیا ئاسیهێ ڕاگۆهاستین، و کۆمەلگەهێن عەرەب نشین چێکرین ل ۱۹۷٨ێ باتێل کرنە ناحیە و رزگاری ژی بووناحیە واتە هندی سنورێ رزگاری نورمالە ب سەر زاخوڤە بت ژبەر نێزیکیێ و پێکهاتێن خەلکێ دەڤەرێ، سوبەهی هەر هەلبژارتنەکا بهێتەکرن دێ خەلکێ دەڤەرێ مەحروم بت و شانسێ سەرکەفتنێ نابت. نابت بۆخاترا ئاغایەکێ بەرژەوەند خواز یان دوو مۆختارکێم زانین ڤێ بریارا شاش بدن.

پارتی شاشیەکا مەزن دەرهەقا جەماوەرێ خوە ل قەزاسێمێلێ کریە بلا نەبت دوو.. دەمێ ژ ڕاسپاردێن کۆنگرێ سێزدێ یێ پارتی دەرکەتی کۆ دبێژیت هەر قەزایەکێ دڤێت لقەکا پارتی لێ هەبت. تاکە قەزایە ل کوردستانێ بێ لق. پارتی لق ل هندەک ناوچا ڤەکرینە جەماوەرێ وان نابتە هندی دوو رێکخراوێن لژنەکا سێمێلێ. پێتڤیە پارتی بەری کۆنگرەی شاشیا خوە دورست بکەت، لقەکێ ل سێمێلێ دامەزرینت و ناوچا باتێلێ ژی ڤەگەرینتە سەر لقا سێمێلێ. کادرێن سێمێلێ بێ ئومێدبوونە هیڤی و ئومێد د سینگێ واندە کوشتن ۳۰ سالە کادرن د ئێک لژنەدا و بێ پلە بەرزکرن سەرەرای ئاستێ وان و شیان و دلسۆزیا وان. هندی سێمێل بێ لق بت، یەک سێمێلی نابت ببت رێڤەبەرەکی گشتی نابت ب بت وەزیر نابت ببت وەکیل وەزیر نابت ببت رێڤە بەرەکێ ئاسایشێ ،نابت ببن نیڤ رێڤەبەر لدائرەکا دهوکێ، ئەز بانگی خەلکێ دەشتا سلێڤانەیا دکم هشیاربن چوونا وە بو سەر ئیدارا زاخو شاشیەکا مەزنە دەرهەقا هەوەدا. ئیدی هوون دێ بنە پالێن پویشی چ جاران نەشێن چارێک کۆرسیا پەرلەمانێ عیراقێ یان کوردستانێ یان جڤاتا پارێزگەهێ و چ جاران کورەکی هەوە نەدبت رێڤەبەرەک ل سازیەکا حکۆمەتێ .کەڤر ل جهێ خوەی ب سەنگە گوه نەدن ریسپیەکێ کۆ د بەرژەوەندا وی دایە چنکۆ مالا وی ل زاخویە، هەر ژ سەردەمێ میرێ ئامێدیێ سێمێل و دەشتا سلێڤانەیان ئێک پارچە بوو. وەنەکن ببن دوو پارچە.