ل واشنتون وەزیرێ پێشمەرگەی و برێت موکگورک، دەربارەی رەوشا نوکە یا دەڤەرێ و پرۆسا چاکسازی یا هێزێن پێشمەرگەی کۆمبوون.
وه‌زاره‌تا پێشمه‌رگه‌ی یا حكومه‌تا هه‌رێما كوردستانێ راگه‌هاند، شۆڕش ئیسماعیل وەزیرێ پێشمەرگەی، دگەل برێت مەکگۆرک رێکخەرێ کۆشکا سپى بۆ کاروبارێن رۆژهەڵاتا ناڤەڕاست و باکوورێ ئەفریقیا کۆمبوو.
د کۆمبوونێ دا، هەردوولا دوپاتی لسەر پێگیربوونا ب هەڤپشکییا دناڤبەرا ئەمریکا و هەرێما کوردستانێ و ژناڤبرنا ئێکجاری یا رێکخراوا تیرۆریستى یا داعش كر.
د پشکەکا دی یا کۆمبوونێ دا، گوتوبێژ دەربارەی ئێکخستنا هێزێن پێشمەرگەیت ل ژێر چەترا وەزارەتا پێشمەرگەی کر.
دووپات ژی کر، پێنگاڤێن پرۆسا ئێکخستنێ و ئێکگرتنا هێزان باشتر و بلەزتر بکەن، هەڤکاری و هاریکارییێن ئەمریکا و هەڤپەیمانان دێ زێدەتر د بەردەوام بن.
ل گوێره‌ی راگەهاندنا وه‌زاره‌تا پێشمه‌رگەی، هەر ئێک ژ فەریق روکن عیسا عوزێر سەرۆکێ ئەرکان و بەیان سامى عه‌بدولره‌حمان نوێنەرا حکومەتا هەرێما کوردستانێ ل ئەمه‌ریکا ئاماده‌ی كۆمبوو‌نێ بوون.
