ئێكپوشی بۆ سالا خواندنێ 2022 – 2023ێ دێ هێته‌ بجهئینان

سه‌رۆكێ زانكۆیا سه‌لاحه‌دین د. كامه‌ران یونسى دپرێسكۆنفرانسه‌كى دا ئه‌نجامێن راپرسییا زانكۆیا سه‌لاحه‌دین ده‌رباره‌یى ئێكپوشییێ راگه‌هاندن و گوت : سه‌رۆكایه‌تییا زانكۆیێ ب ئارمانجا كێمكرنا جوداهییێ و به‌رچاڤ وه‌رگرتنا ره‌وشا دارایى یا هه‌موو كه‌سان و كێمكرنا خه‌رجییێن خێزانانێن قوتابیان، وان هزر دئێكپوشییێ دا كر، و ئه‌و پێشنیازه‌ كره‌ راپرسى و پرسیار و ئه‌نجام ب ئه‌ڤى شێوه‌یى بوون.

• ئه‌گه‌ر ئێكپوشى هاته‌ راگه‌هاندن، ئاماده‌یى بجهبینى یان نه‌؟

به‌لێ 70.6% و 29.4% نه‌خێر؟

• ئێكپوشى بارگرانییێ ل سه‌ر ملێن خێزانێن قوتابییان كێم دكه‌ت؟

70.9% به‌لێ ، 29.1 نه‌خێر.

    – ب باشى دزانى جوداهى دناڤبه‌را ره‌نگێن كۆر و كچان دا هه‌بیت؟

       58.3% نه‌خێر، 41.7% به‌لێ.

    – ب دیتنا ته‌ ئێكپوشى دێ كارتێكرنێ ل سه‌ر بلندكرنا ئاستێ زانستێ قوتابییان كه‌ت؟

64.6% به‌لێ، 36.4 نه‌خێر.

   – ئه‌رێ ئه‌و شێوازێ راپرسییا ئێكسه‌ر ب گرنگیڤه‌ وه‌رگرت؟

79.6% به‌لێ، 20.4 نه‌خێر.

د. كامه‌ران یونسى ئاشكراكر، ئه‌و وه‌كو جڤاتا زانكۆیا سه‌لاحه‌دین دێ كۆمبوونه‌كێ سازكه‌ن و وێ راپرسییێ كه‌نه‌ بریار، ئێكپوشى بۆ سالا خواندنێ 2022 – 2023ێ دێ هێته‌ بجهئینان، سالنامه‌یا خواندنێ دێ ل 4 – 9 – 2022ێ ده‌ستپێكه‌ت، لێ دێ هه‌تا 1ى 10 ده‌رفه‌ت ب قوتابیان هێته‌ دان، پاش بریار دێ چیته‌ دبوارێ بجهئینانێ دا و راگر و سه‌رۆكێن و به‌شان دێ ژ ب جهئینانا وێ بریارێ به‌رپرسبن.

سه‌رۆكێ سه‌لاحه‌دین ئاماژه‌ ب هندێ ژى دا، هه‌ر قوتابییه‌ك پابه‌ندى بریارا ئێكپوشییێ نه‌بیت، ل جارا ئێكێ دێ هێته‌ ئاگه‌هداركرن، و جارا دووێ دێ هوشدارى پێ هێته‌دان، و جارا سێیێ دێ بۆ ماوێ ئێك حه‌فتى هێته‌ دوورخستن ( فصل )كرن، و ئه‌ڤ بریاره‌ نه‌ بۆ هندێ یه‌ كو نیقابه‌ یان ته‌نووره‌ یان بالا پۆشى بهێنه‌ قه‌ده‌فه‌كرن، به‌لكو ب تنێ بۆ ئێك ره‌نگییێ یه‌.