<h3 style="text-align: justify;"><span style="font-size: 18pt;">ئه‌ڤرۆ 8ى ته‌باخا 2022ێ سه‌رۆكایه‌تییا هه‌رێما كوردستانێ ب سه‌رپه‌رشتییا سه‌رۆكێ هه‌رێمێ نێچیرڤان بارزانى و ب ئاماده‌بوونا نوونه‌را سكرتێرێ گشتى یێ نه‌ته‌وه‌یێن ئێكگرتى ل عیراقێ جێنین پلاسخارتێ، ل دوور هه‌لبژارتنێن بهێن یێن هه‌رێما كوردستانێ دگه‌ل لایه‌نێن سیاسى یێن كوردستانێ كۆمبوو.</span></h3> <h3 style="text-align: justify;"><span style="font-size: 18pt;">ل ده‌ستپێكا كۆمبوونێ، سه‌رۆكێ هه‌رێما كوردستانێ نێچیرڤان بارزانى د ئاخڤتنه‌كێ دا سوپاسییا پلاسخارت و لایه‌نێن سیایى بۆ به‌رهه‌ڤبوونا ل كۆمبوونێ كر و هیڤی خواستن لایه‌نێن سیاسى بگه‌هنه لێك تێگه‌هشتنه‌كێ بۆ دیاركرنا ده‌مێ هه‌لبژارتنان و چاره‌سه‌ركرنا كێشه‌یان، و دووپاتى ل گرنگییا هه‌لبژارتنان بۆ هه‌رێما كوردستانێ كر و گوت : گیروبوونا هه‌لبژارتنان دێ زیانێ ب ناڤ و پێگه‌هێ هه‌رێما كوردستانێ گه‌هینیت.</span></h3> <h3 style="text-align: justify;"><span style="font-size: 18pt;">ژلایێ خۆڤه جێنین پلاسخارتێ په‌یامه‌ك ده‌رباره‌ى گرنگییا لێك تێگه‌هشتنا لایه‌نان ل سه‌ر بابه‌تێ هه‌لبژارتنان و دیاركرنا ده‌مێ هه‌لبژارتنان پێشكێشكر و هه‌موو پشته‌ڤانییا نه‌ته‌وه‌یێن ئێكگرتى بۆ سه‌رخستنا ئه‌ڤێ پرۆسه‌یێ ده‌ربرى، هه‌روه‌سا دووپاتى ل وێ چه‌ندێ كر كو دڤێت ب زووترین ده‌م بگه‌هنه ئه‌نجامه‌كى ژبه‌ركو گه‌له‌ك ده‌م ل به‌ر ده‌ستان نینه.</span></h3> <h3 style="text-align: justify;"><span style="font-size: 18pt;">دووڤدا جێگرێ سه‌رۆكێ هه‌رێما كوردستانێ مسته‌فا سه‌ید قادرى راپۆرتا لژنه‌یا راسپاردى یا سه‌رۆكایه‌تییێ بۆ بابه‌تێ هه‌لبژارتنان پێشكێشكر، لایه‌نێن سیاسى ژى هزر و بوچوونێن خوه ل دوور وێ راپۆرتێ دیاركرن و سوپاسییا سه‌رۆكایه‌تییا هه‌رێما كوردستانێ بۆ بزاڤێن وان ژ پێخه‌مه‌ت كۆمكرنا لایه‌نێن سیاسى كر، و به‌رده‌وامبوونا كۆمبوون و دانوستاندنان ب ئه‌رێنى ل قه‌له‌م دان.</span></h3> <h3 style="text-align: justify;"><span style="font-size: 18pt;">ل دووماهییا كۆمبوونێ بریار هاته دان، ل ده‌ستپێكا ئه‌یلولا بهێت دووماهى كۆمبوون بۆ ئێكلاكرنا هه‌موو بابه‌تێن پێدڤى ب هه‌لبژارتنان و چاره‌سه‌ركرنا كێشه‌یێن كه‌ڤتینه درێكا پرۆسێ دا بهێته‌كرن، هه‌تا وى ده‌مى ژى سه‌رۆكایه‌تییا هه‌رێما كوردستانێ و لایه‌نێن سیاسى ب هاریكارییا تیما بسپۆر یا یوونامییێ دێ د دانوستاندن و به‌رهه‌ڤییێن به‌رده‌وام دا بن.</span></h3>
