ب دروستکرنا تۆنێلا چیایێ مەتینی 45 خولەکێن رێکێ دێ کورت بن

ئاژانسا خانی:

رێڤەبەرا رێک و پرا ل پارێزگەها دهۆکێ بۆ ئاژانسا خانی دیار كر: رەزامەندی ل سەر دروستکرنا تۆنێلا چیایێ مەتینی هاتییەدان و چاڤەرێی تەرخانکرنا پارەیی دکەن ژبۆ کو دەست ب دورستکرنا وێ بهێتە کرن، ب دروستکرنا وێ رێکێ دێ 45 خولەک کێم بن و تێچوویێ وی پڕۆژەیی ژی نێزیکی 200 ملیار دینارانە.

خەدیجە محەمەد، رێڤەبەرا رێک و پرا زێدەتر گۆت ژی، دیزاینێ دروستکرنا تونێلا چیایێ مەتینا یێ ئامادەیە و چاڤەرێی تەرخانکرنا پارەینە هەتا پڕۆژە بهێتە جێبەجێکرن و خەملاندنا پارەی ژی بۆ هاتییە کرن، تۆنێل 4.5کم و10کم رێک ژی دگەل دایە و ئەڤ پڕۆژە ل رێزبەندییا وەزارەتا ئاڤەدانکرنێیە و رەزامەندی ژی وەرگرتییە و هەردەمێ پارە بۆ هاتە خەرج کرن ، دێ دەست ب دروستکرنا تۆنێلێ هێتەکرن.

خەدیجە محەمەد ل داویێ دیار کر، تێچوویێ وێ تۆنێلێ نێزیکی 200 ملیار دینارانە، مفایەکێ زۆر بۆ دەڤەرێ دێ هەبیت و رێیا سەنتەرێ قەزا ئامێدیێ و خالا سنوریا سەرزێرێ و کانی ماسێ کورت دكه‌ت و 45 خولەک ژ وێ رێکێ ڤەدبن.