سهرۆكێ حكومهتا ههرێما كوردستانێ مهسرور بارزانى ل سهر ئهكاونتێ خوه یێ فهیسبۆكى دیاركر، وان پێشوازییا سهرۆكێ ههڤپهیمانییا فهتح كر و د دیدارهكێ دا رهوشا عیراقێ و پهیوهندییێن ههرێم و بهغدا گوتوبێژكرن.
مهسرور بارزانى ئاشكراركر، سهرۆكێ ههڤهیمانییا فهتح ئاماژه ب هندێ دا كو ههرێما كوردستانێ و سهركردایهتییا وێ رولهكێ كارا دهاوكێشا سیاسى یا عیراقێ دا ههیه، لهوما پێدڤییه ههموو لایهن و پێكهاتهیێن عیراقێ رێكا دانوستاندنان ب كاربینن، و ههموو بزاڤان بۆ قورتالكرنا عیراقێ ژ رهوشا وێ یا مهترسیدار بكهن.
ههروهسا سهرۆكێ حكومهتێ دیاركر، وان پشتهڤانییا حكومهتێ بۆ ههموو جوورێن دانوستاندنان ل سهر بنهمایێن ئێك و دوو قهبوولكرنێ و ب هێزكرنا باوهرییا دناڤبهرا ههموو پێكهاتهیێن عیراقێ دا بۆ شاندێ مێڤان دهربرى، و ئاماژه ب وێ چهندێ كر، پێكهاتهیێن عیراقێ گهلهك بهرژوهندییێن ههڤپشك ههنه و دشیاندایه ببنه بنامهیێن ئێك و دوو قهبوولكرن و چارهسهركرنا كێشهیان.
مهسرور بارزانى دووپاتى ل وێ چهندێ كر بجهئینانا دهستوورى دبهرژهوهندییا ههموو پێكهاتهیاندایه و دێ عیراقێ دانیته سهر رێكا پێشكهڤتن و ڤهژاندنێ.
