ئه‌ڤرۆ 15ى ته‌باخا 2022ێ ل دیوانا وه‌زاره‌تا دارایى و ئابوورى و ب سه‌رپه‌رشتییا وه‌زیرێ دارایى و ئابوورى ئاوات جه‌ناب نورى و ب ئاماده‌بوونا وه‌زیرا بازرگانى و پیشه‌سازى ب وه‌كاله‌ت كوێستان محه‌مه‌د كۆمبوونه‌كا هه‌ڤپشك هاته كرن.
كۆمبوون ل دوور ره‌وشا كارگه‌هان و ئاریشه‌یێن باج و رسوماتان بوو، و تێدا بریار هاته دان ژ بۆ پێشخستنا كه‌رتێ پیشه‌سازى و به‌رهه‌مئینانا نافخۆیى چه‌ند ئاسانكارى بهێنه‌كرن.
دكۆمبوونێ دا باس ل ئاریشه‌یێن كارگه‌هێن هه‌رێما كوردستانێ ژلایێ وه‌رگرتنا باجێ و رسوماتان ڤه هاته كرن، و وه‌زیرێ دارایى و ئابوورى ئاوات جه‌ناب نورى پشته‌ڤانییا خوه یا تمام بۆ هاریكاریكرنێ دئاسانكارى و كێمكرنا كێشه‌یێن كارگه‌هاندا دیاركر.
ل دووماهییا كۆمبوونێ بریار هاته دان ب رێكا درووستكرنا لژنه‌یه‌كا هه‌ڤپشك دوڤچوونه‌كا چر بۆ كارگه‌هان بهێته كرن داكو بشێن ئاریشه‌یێن وان چاره‌سه‌ر بكه‌ن.
