هشكە سالییێ و نەبوونا ئاڤا ڤه‌خوارنێ ل بەسرە، ژیانا خەلكی وێ خستییه مەترسییێ و داهاتییه‌كی نه‌دیار چاڤه‌رێ وان دكه‌ت، ژبه‌ر ڤێ چه‌ندێ كۆچكرنا ب كۆم یا خەلكی دەستپێكرییە.
هه‌كه مریڤ ژ بەسرە و به‌ره‌ف باشووری بچیت دێ پتر گەرم بیت و شوونەوارێن هشكەسالییی پتر دیار دبن، پێشتر ب درێژاهییا ب ده‌هان كیلۆمەتران و هه‌تا دووماهییا سنوورێ عێراقێ كه‌سكاتی و باخچێن دارقه‌سپان بوون، بەلێ نوكه به‌روڤاژییه ” ئه‌و باژێرێ كو ب نیشتیمانێ دارقه‌سپان دهاته نیاسین، نوكه رۆژ ب رۆژ هژمارا وان كێمتر دبیت، د ده‌مێ چەند سالێن بوری دا گوهۆرینین مه‌زن و مەترسیدار ب سه‌ر دا هاتینه، ب تنێ ل بەسرە ژ 30 ملیۆن دارقه‌سپان كێمتر ژ سێ ملیۆنان ماینە.
