وهزارهتا خواندنا بلند و ڤهكۆلینێن زانستى ب نڤیسارهكا ( بلهز و گرنگ ) ههموو سهرۆكایهتییێن زانكویێن حكومى یێن ههرێما كوردستانێ ل دوور پلانا خواندنا بلند ( دبلۆما بلند، ماستهر و دكتورایێ ) بۆ سالا خواندنێ یا 2022 – 2023ێ ئاگههدار دكهت.
دنڤیسارێ دا هاتییه، ل دووڤ كۆمبوونا ژماره پێنج یا سالا 2022ێ یا جڤاتا وهزارهتێ كو ل رێككهڤتى 16 تهباخا 2022ێ هاتییه كرن، ئاماژه ب ( مادێ حهفتێ: پلان و ژمارا كورسییان ) ژرێنماێن خواندنا دبلۆما بلند یا ئێك سالى یا ئهكادیمى و ماستهر و دكتورا ل زانكویێن كوردستانێ بۆ سالا 2022ێ هاته كرن، ههروهسا وهزارهتێ خشتهیێ تایبهت ب پلانا خواندنا بلند ل زانكویێن حكومى یێن ههرێما كوردستانێ بۆ سالا خواندانێ 2022 – 20223ێ بۆ سهرۆكایهتییێن ههموو زانكویێن حكومى رهوانه كرییه و داخوازكرییه كارێ پێدڤى بۆ ئامادهكرنا پلانێ بكهن و پاش ژلایێ جڤاتا زانكۆیانڤه ئهو پلانه بهێته پهسهندكرن، و ئهوێ پلانێ ل دووڤ فورما ههڤپێچكرى بۆ وهزارهت / فهرمانگهها ڤهكۆلین و پهرهپێدانێ / رێڤهبهرییا خواندنا بلند رهوانه بكهت.
ل دووماهییێ ژى وهزارهتا خواندنا بلند 15 ئهیلولا 2022 وهكو دووماهى رێككهفت بۆ هنارتنا پلانێن زانكۆیان دهستنیشانكرییه.
لینكێ پلانێ:
https://drive.google.com/file/d/1LtZArREDj3FRhT_tDPAMJEupsJTxy0Nu/view?usp=drivesdk
