ب ھەلكەفتا بیرەوەرییا 76 سالییا دامەزراندنا پارتی دیموكراتی كوردستان و ژ دایكبوونا سەرۆك بارزانی و ب ئامادەبوونا بەرپرسێ نڤێسینگەھا رێكخستنێ و بەرپرسێن رێكخراوان دگەل ستافێن وان، سەربەست تروانشی ئەندامێ ئەنجۆمەنێ سەركردایەتییا پارتی و بەرپرسێ لقێ ئێك سمینارەك گێرا.
دڤێ سمینارێ دا بەرپرسێ لقا ئێك باسێ وان رۆژێن ب زەحمەت و گران كر یێن كو پارتی دیموكراتی كوردستان ب سەركێشییا بابێ رۆحی یێ نەتەوەیێ كورد بارزانییێ نەمر ھێز و باوەرییەكا پۆلایین ئەڤرۆ درووست كر، كو دوژمنێن ڤێ دۆزێ ب ھەموو كەرب و كینا خوەڤە نەشیان مە ب راوەستینیت و ئەڤرۆ ژی خەلکێ کوردستانێ و كادرێن پارتی شانازییێ ب جەنابێ سەرۆك بارزانی دبەن ھەر ل دەستپێکا ژییێ خوە تا ئەڤرۆ شیایە گرێگێن هندی چیایا ل هەمبەر ڤێ دۆزێ ڤەکەت، هەر ل سایەیێ وان تێروانینێن مەزنێن جەنابێ وی گەلێ مە دگوپیتکا ئازادی و ئارامی و پێشکەفتنێ دایە.
