بەرپرسەکێ وەزارەتا پێشمەرگەیی ل بەغدا ئاشکرا کر، ھژمارەکا بنگەھێن ھەڤپشک دناڤبەرا پێشمەرگەیی و سوپایێ عیراقێ دا ھاتینە ڤەکرن و دبێژیت، ئەرکێ وان بنگەھان ھەماھەنگییە دناڤبەرا پێشمەرگەیی و سوپایێ عیراقێ دا.
عەمید روکن عادل جەباری، نوونەرێ وەزارەتا پێشمەرگەیی ل ئۆپەڕاسیۆنێن ھەڤپشک بۆ ئاژانسا خانی دیار کر” ھژمارەکا بنگەھێن ھەڤپشک دناڤبەرا وەزارەتا پێشمەرگەیی و بەرگرییا عیراقێ ھاتینە ڤەکرن و د دەمێ نوکە دا ھەر ئێک ژ بنگەھێن ھەڤپشک ل خانەقین و کەرکووک و مەخموور و نەینەوا ھەنە و بۆ ئەنجامدانا ھەر ھەماھەنگییەکێ دناڤبەرا پێشمەرگەیی و سوپایێ عیراقێ ئەو بنگەهە کار دکەن.
ناڤهاتی گۆت ژی” بنگەھەکێ سەرەکییێ ئۆپەراسیۆنێن ھەڤپشک ل بەغدا ژی ھەیە و نوونەرێن وەزارەتا پێشمەرگەیی تێدا ئەندامن، لدووڤ رێککەفتنا دناڤبەرا ھەردو ئالییان دێ ھەماھەنگی ھەبیت بۆ بەرھنگاربوونا داعشێ و ل داھاتی ژی دێ کار ھێتە کرن بۆ بەرەف پێشبرنا کارێ بنگەھێن ھەڤپشک ل گەل عیراقێ، ھەتا پێکڤە کار بکەن بۆ پرسێن سەربازی و ھەوالگێرییێ.
