سەرۆکێ حکومەتا هەرێما کوردستانێ: دڤێت رێگری ل هه‌ر هەدەردانه‌كا کارەبێ و زێده‌گاڤییان بهێته‌ گرتن

ئەڤرۆ مەسرور بارزانی سەرۆکێ حکومه‌تا هەرێما کوردستانێ، سەره‌دانا وەزارەتا کارەبێ کر و ژ لایێ کەمال محەمەد سالحی وەزیرێ کارەبێ، پێشوازی لێ هاته‌ کرن، سەرۆكێ حكومەتێ د كۆمبوونه‌كێ دا دووپات كر”  بۆ باشترکرنا ره‌وشا کارەبێ و پێشكێشکرنا خزمەتگوزاری یێن زێده‌تر بۆ وه‌لاتییان، دڤێت ڕێگری ل هه‌ر هەدەردانه‌كا کارەبێ و زێدەگاڤییان بۆ سەر کەرتێ کارەبێ بهێته‌ گرتن.

وەزیرێ کارەبێ، گاڤێن چاكسازیێ و باشكرنا ژێرخانا كارەبێ و نەهێلانا سەرپێچی و باشتركرنا داهاتی و پیڤەرێ زیرەك خستە به‌رچاڤ.

پاشی سەرۆکێ حکومەتێ، دەستخۆشی ل کارمەندێن وەزارەتا کارەبێ کر كو شییایینه‌ ژ ئه‌گه‌رێ ئەنجامدانا هنده‌ك چاکسازییان” ژ ڕوویێ بەهەرمئینانێ و ڤه‌گوهاستنێ و دابەشکردنا کارەبێ دا، پێشکەفتنا باش ب دەستڤه‌ بینن، بەلێ هێشتا کەرتێ کارەبێ، پێدڤی ب گەشەپێدانا زێده‌تر هەیە بۆ هندێ ب شێوەكێ باشتر، خزمەتا وه‌لاتییان بکه‌ت، سەرۆکێ حکومەتێ، وەزارەتا کارەبێ ڕاسپارد، هەموو بزاڤا بكه‌ن و پلان و ئامادەکاری یێن پێدڤی بکەن بۆ هندی ل داهاتی دا بشێن کارەبێ ب بەردەوامی بده‌نه‌ وه‌لاتییان.

سەرۆکێ حکومەتێ گۆت ژی: بۆ باشترکرنا ره‌وشا کارەبێ و پێشکێشکرنا خزمەتگوزاری یێن زێده‌رت بۆ وه‌لاتییان، دڤێت ڕێگری ل هەموو هەدەردانه‌كا کارەبێ و زێدەگاڤییان بۆ سەر کەرتێ کارەبێ بهێته‌ كرن و پێدڤییە وه‌لاتی هاریکارییا خۆ و حکومەتێ بکەن، ب ڕێیا كێمكرنا زێده‌ بكارئینانا كارەبێ و دانا رسوماتێن کارەبێ ب بەشێوەكێ ڕێک و بەردەوامی، بۆ هندێ حکومەت ژی بشێت پشكه‌كا خەرجی یێن زۆر یێن بەرهەمئینانا کارەبێ دابین بکه‌ت و کارەبێ بده‌ته‌ وه‌لاتییان .

سەرۆکێ حکومەتێ گۆت ژی: کابینا نه‌هێ، ب چ شێوان چ باج و رسومات ل سەر وه‌لاتییان زێده‌ نه‌كرینه‌، بەلكو ب تنێ ئەو باج و رسوماتە هەیە یێن رێك خستی” گوت ژی” ئەرکێ سەرەکی یێ ڤێ کابینێ، خزمەتکرنا وه‌لاتی یێن هەرێما کوردستانێیە بێی جۆداهی.

سەرۆكێ حكومەتێ داخواز كر پتر گرنگی ب بەرهەمئینانا كارەبێ ب وزا جهگر و پاقژ و ژینگەهـ دۆست بهێته‌ دان.