ژ بۆ پاراستنا ساخلەمییا وەلاتییان و کونترۆلکرنا بازاری و نەهێلانا سەرپێچییان، لژنا ئابووری یا دەڤەردارییا ئامێدییێ سەرا بازارێ ناحییا شێلادزێ دا و شەش جهێن بازرگانی داخستن و دو جهێن دی ژی ب کوژمێن جودا یێن پاره سزادان.
سەرۆکێ لژنا ئابووری یا دەڤەردارییا ئامێدییێ و بەرپرسێ بنگەهێ چاڤدێرییا بازرگانی کاروان حاجی سەعید بۆ ئاژانسا خانی دیارکر، وان د سەرەدانا خوە دا بۆ بازارێ ناحییا شێلادزێ، ژ بەر نەپێگری کرن ب رێنمایان و هەبوونا كه‌لوپه‌لێن دەم ب سەرڤەچووین ھەروەسا ھەبوونا ناڤەکێ بازرگانی بێ کو دەستووری ب وی ناڤی ھەبیت و نەبوونا مولەتا کاری، ئه‌وان شەش جهێن بازرگانی داخستن و دو جهـ ژی ب کوژمەکێ پارەی سزدان هەروەسا دەست ب سەر هژمارەکا كه‌لوپه‌لێن دەم ب سەرڤەچوی دا گرتن.
ناڤهاتی داخاز ژی کر، پێگرى ب رێنمایان بهێته كرن بۆ وێ چه‌ندێ تووشی پێرابوونێن یاسایی نەبن و ھەرکەسەکئ دەستوورییا کاری نەبیت دێ جھێ وی ھێته گرتن.
