ئەو زاڕۆکێ ژبرسان دەرێ تڤەنگێ مێتی

محەمەد گڤاری

گوهداریا ئەفسەرەکێ عیراقی بکەن چەوا ل بەرامبەی سەدامێ دکتاتور دانپێدانێ ب تاوانا خۆ یا جەرگ بر دکەت، دەمێ دبێژیت.

د پرۆسا نەنفالاندا پشتی ل دەڤەرێن کوردا مە هەمی گوند سوتین وێرانکرین، سیخورێت مە ئەم ئاگەهدارکرین گوندەکێ بچویک یـێ مای نەهاتـیە وێـرانکـرن، ئەم دگەل هێزێت خۆ یێت لەشکەری گەهشتینە وی گوندی، دناڤ خانیێت وی گوندی گەڕیاین بەلکو تشتەکێ ساخ ب دەست مە بکەڤیت بەلێ گوند هاتبوو چۆلکرن هەتا ئاژەل ژی تێدا نەمابوون، ئەز گەلەک د ناڤ خانیاندا گەڕیام بەلکو تشتەکێ زیندی ببینم دا کەرب و کیناخۆ ژێ داڕێژم، لێ من چ نەدیت، ل دووماهییا گوندی ل ئالییێ ژێری خانیەکێ بچویک لێ بوو، دەمێ ئەز نێزیکی وی خانی بووم دەنگێ گریا زارویەکی هاتە گوهێت من، ئەز ب ژور کەتم من دیت زارویەک دلاندکێ دایە. دەمێ زارۆکی ئەز دیتیم چاڤێت خۆ ڤەکرن و بۆمن گرنژی، وێ چرکەساتێ زاروکێ من هاتە بیرامن، بێگومان ل هەمان چرکەسات ڕاسپاردە و ڕێنمایێت جەنابێ وە هاتنە بیرامن، من گوتە خۆ زاڕوکێ من ل کیـڤە و زاڕۆکێ تێکدەرا ل کیڤە؟

ل وی دەمی من دەرێ تڤەنگاخۆ کرە ناڤ دەڤێ وی زاروکیدا، ژبرسادا هەر ئێکسەر دەرێ تڤەنگێ مێت هەر وەکی یـێ خشـیرێ دەیکاخۆ دمێژیـت، بێهنەکێ من دەرێ تڤەنگێ دناڤ دەڤێ وی هێلا، زاڕۆک یێ بەردەوام بـۆ لسەر مێتنا دەرێ تڤەنگامن، دێ بێژی سەرو چاڤێت وی یـێ سوپاسیامن دکەت، من گوتە خۆ ئەز ناکوژم هەتا ژبرسان بمریت. ل ڤێرە ئەهریمەنی ئەز سەردابرم چونکی من ڕاسپاردەیێت جەنابێ وە ژبیرکرن بەلێ ژنشکاڤە ڕێنمایێت جەنابـێ وە بۆ وێرانکرنا گونداو بجهئینانا سیاسەتا عەردێ سوتی ل کوردستانێ هاتە سەر هزرامن، ژبەر وێ چەندێ من فیشەکەک ب سـەرێ وی زاڕوکی ڤە تەقاند.

ژێدەر مالپەڕێ ئەنفالستان … ژ زمانێ عەرەبی هاتییە وەرگێران.