دبه‌رده‌وامییا كارڤه‌دانێن نێڤده‌وله‌تى دا ل دوور ئالوزبوونا ره‌وشا سیاسى یا عیراقێ، هه‌ردوو وه‌لاتێن ئوردن و سعوودیه داخوازا ئارامكرنا ره‌وشێ ژلایێ عیراقیانڤه كر.
پاشایێ ئوردنێ شاهـ عه‌بدوللا د دو په‌یوه‌ندییێن تله‌فۆنیدا دگه‌ل سه‌رۆككومارێ عیراقێ به‌رهه‌م سالح و سه‌رۆك وه‌زیران مسته‌فا كازمى، پشته‌ڤانییا وه‌لاتێ خوه بۆ پاراستنا ئاسایش و سه‌قامگێرییا عیراقێ دووپاتكر، و هیڤیى خواستن لایه‌نێن عیراقى ب رێكا دانوستاندنان ناكوكییێن سیاسى ده‌رباز بكه‌ن.
ژلایه‌كێ دیڤه وه‌زاره‌تا ده‌رڤه یا سعوودییێ دبه‌یاننامه‌یه‌كێ دا داخوازا ئێكرێزییا لایه‌نێن سیاسى یێن عیراقێ بۆ ئارامكرنا ره‌وشێ كر.
وه‌زاره‌تا ده‌رڤه یا سعوودییێ ئاماژه ب هندێ دا، پێدڤییه هه‌موو لایه‌ن بۆ پاراستنا شیان و ده‌ستكه‌ڤ و وه‌لات و وه‌لاتییان، ئێكرێزبن و ئه‌و ره‌وشا نوكه عیراق كه‌ڤتییه تێدا بدووماهى بینن.
