بێگه‌رد تاله‌بانی، وه‌زیرا چاندن و ژێدەرێن ئاڤێ ئەڤرۆ رۆژا ئەینی ب هەلکەفتا ڕۆژا جیهانییا ئەندازیارێن چاندنێ پیرۆزباهی ل هەمی ئەندازیارێن چاندنێ کر و ڕاگەهاند، د ئەڤێ ڕۆژێدا دووپات ل هەماهەنگیا وەزارەتا چاندنێ و پشتەڤانیا ئەندازیارێن چاندنێ ب تایبەتی د ڕەخساندنا دەرفەتا کاری بۆ پڕۆژەیێن چاندنێ و دابینکرنا دەرمالەیێن ئەندازیارێن چاندنێ دگەل ئەندازیارێن چاندنا عیراقێ دکەین، هەروەسا دگەل دووڤچوونا بەردەوام بۆ ئاریشە و داخازیان و بزاڤ بۆ ب دەستڤەئینانا پشتەڤانیێ و ژێدەرێن دارایی و دابینکرنا قەرزێن بچویك بۆ ئەندازیاران، ب مەبەستا ئەنجامدانا وەبەرهێنانێ و خوزمەتگوزاریان د بوارێ کەرتێ چاندن و پیشەسازیا خوارنێ.
ل دوماهیکێ وه‌زیرا چاندنێ هیڤی خواست ئەڤ هەلکەفتە بیتە جهێ هەماهەنگیێ و پێکڤە کارکرنێ و پێشڤەبرنا زێدەتر ب ئەڤی کەرتی، ل پێناڤ خزمەتکرن و پێشڤەبرنا کەرتێ چاندن و ژینگەهێ.
