ساخله‌مییا جیهانێ : دووماهییا كورونایێ نێزیكبوویه‌

ساخله‌مییا جیهانێ ئاشكراكر، هند نه‌مایه‌ ل سه‌ر په‌تایا كورونایێ زال ببن كو ب ئه‌گه‌رێ وێ ملیۆنان مرۆڤان گیانێ خوه‌ ژ ده‌ستدا.

رێڤه‌به‌رێ گشتى یێ ساخله‌مییا جیهانێ تیدرۆس ئه‌دناهۆم دپرێسكۆنفرانسه‌كیدا راگه‌هاند، جیهانى ژ دووماهییا كورونایێ نێزیكبوویه‌ و پێدڤییه‌ زێده‌تر ئاگه‌هدارى مه‌ترسییێن ئه‌ڤێ په‌تایێ بن، رێژه‌یا توشبوون ب كورونایێ ل جیهانێ كێمبوویه‌ و وان پێشبینى نه‌دكر كونترۆلێ ل سه‌ر ئه‌ڤى ڤایرۆسێ كوژه‌ك بكه‌ن، و زێده‌تر ئاشكراكر، مه‌ترسییا دووباره‌ به‌لاڤبوونا كورونایێ دێ یا به‌رده‌وامبیت و پێدڤییه‌ هه‌رده‌م رێنماییێن خۆ پاراستنێ ب گرنگیڤه‌ بهێنه‌ وه‌رگرتن.

ل دووڤ دووماهى ئامارێن رێكخراوا ساخله‌مییا جیهانێ، هه‌تا نوكه‌ شه‌ش ملیۆن و 507 هزار و 916 كه‌سان ل سه‌ر ئاستێ جیهانێ ژبه‌ر كارتێكرنێن كورونایێ گیانێ خوه‌ ژ ده‌ستدایه‌.