مەکتەبا سیاسی یا پارتی دیموکراتی کوردستان راگەهاند: کێشە و ئاریشە ب خۆلقاندنا ئالۆزیان ل ژدەرڤەی سنووران چارەسەریێ ناکەن بەلکو رێیێن چارەسەرکرنێ گوتوبێژ و ئێکدوو قەبیلکرنە ب هەبوونا جێوازیان ژی ڤە.
دەقێ راگەهاندنێ:
هێرش و تۆپبارێنێن کۆمارا ئیسلامی یا ئیرانێ بۆ سەر هەرێما کوردستانێ ل هەردوو پارێزگەهێن هەولێر و سلێمانیێ، بنپێکرنا سەروەدیا ئاخا هەرێما کوردستانێ و عیراقێ یە، هەڤدەم کوشتنا ژن و زارۆکێن بێ تاوان کریارەکا تاوانکارییە ل دژی مرۆڤایەتیێ و چ بەهانەک بۆ نینە.
ئەم ژ پارتی دیموکراتی کوردستان ڤێ هێرش و تۆپبارانێ ئیدانە دکەین و ب رێزنەگرتنا بنەمایێن جیرانی و دوستایەتی دزانین، پێدڤییە دوماهی بهێتە ب دوماهی ئینان و چ جارێن دی هەرێما کوردستانێ نەکەنە گۆڕەپانا ململانێ یا ئێکلاکرنا کێشە و ئاریشێن ناڤخۆ کو پەیۆەندی ب وەلاتییێن خۆ راگر یێ هەرێما کوردستانێ ڤە نینە.
کێشە و ئاریشە ب خۆلقاندنا ئالۆزیان ل ژدەرڤەی سنووران چارەسەریێ ناکەن بەلکو رێیێن چارەسەرکرنێ گوتوبێژ و ئێکدوو قەبیلکرنە ب هەبوونا جێوازیان ژی ڤە.
ل دوماهیێ خەمباری و بێزاریا خۆ دیار دکەین ل بەرامبەر هەمی وان زیانێن گیانی و ماددی یێن بەر ئاکنجیێن وان دەڤەران کەفتین.
مەکتەبا سیاسیا
پارتی دیموکراتی کوردستان
28ـی9ـی2022
