ل دۆر پرۆسه‌یا سیاسى یا عیراقێ و هه‌لبژارتنا سه‌رۆككۆمارى، هه‌ر پشتى راگه‌هاندنا ئه‌نجامێن هه‌لبژارتنان ل ئوكتوبه‌را سالا بوورى هه‌تا نوكه بزاڤه‌كا مه‌زن بۆ ئه‌وێ چه‌ندێ هاتییه كرن كو ده‌ست ب سه‌ر ئیراده و شایسته‌یێن گه‌لێ كوردستانێ دا بهێته‌گرتن، و كه‌سه‌ك ژ ده‌ڤه‌رى ده‌نگ و ئیراده‌یا گه‌لێ كوردستانێ وه‌ك سه‌رۆككۆمار بهێته سه‌پاندن، به‌لێ ئه‌وێ بزاڤێ سه‌رنه‌گرت و رێك نه‌هاته دان ئیراده‌یا خه‌لكێ كوردستانێ بهێته پشتگوهـ هاڤێتن.
بۆ مه هه‌موو ده‌مان پره‌نسیپ ژ پۆست و پله‌یان گرنگتره، دووماهى جار ژى ئه‌و پره‌نسیپه سه‌ركه‌ڤت كو نابیت كه‌س ب سه‌ر ئیراده‌یا گه‌لێ كوردستانێ دا بهێته سه‌پاندن و ببیته سه‌رۆككومار.
هیڤیدارم پێنگاڤێن بهێن یێن ناڤا پرۆسه‌یا سیاسى یا عیراقێ د خزمه‌تا به‌رژه‌وه‌ندییا عیراقا فیدرال و هه‌رێما كوردستانێدا بهێنه هاڤێتن، و سه‌قایه‌كێ نوو ژیانا سیاسى بگریت و دووماهى ب ئاریشه و ئاسته‌نگ و قه‌یرانێن بوورى بهێت.
