فراكسیۆنا پارتى دیموكراتى كوردستان ل په‌رله‌مانى ره‌خنه‌یێن توند ل هه‌لویستێن ئێكه‌تی نیشتیمانى كوردستان گرتن و راگه‌هاند، ده‌مێ گه‌له‌ك تشتان دگه‌ل ئێكه‌تییێ هاتییه.
راگه‌هاندنا فراكسیۆنا پارتى ب ناڤێ ( بازارێ دزى ل بازارێ شێلاى )یه و تێدا هاتییه، حكومرانییا ساخله‌م رێگری ل مافیاگه‌رى و دزینا داهاتێ وه‌لاتى و قاچاخچییێ كر.
هه‌روه‌سا هاتییه، ئه‌وان گوت: دێ خوه ژ حكومه‌تێ ڤه‌كێشن و پارتى وان ب شه‌ریكا راسته‌قینه نادانیت، گوت: دێ هه‌لبژارتنان كه‌ن و مافێ خه‌لكییه، گوت: پارتى دڤێت خوه بسه‌پینیت و ناهێلن سندوقا هه‌لبژارتنان ل ده‌ڤه‌رێن وان بدانن.
دبه‌شه‌كێ دى یێ راگه‌هاندنێدا هاتییه، حكومه‌ت حكومرانییه‌تا خوه دكه‌ت و تیرۆرستان دگریت و داخوازكرییان ژى داخواز دكه‌ت، ئه‌و ده‌رگه‌هێ ژۆرا خوه ل جڤاتا وه‌زیران دگرن.
