مه‌كته‌با سیاسی د روونكرنێدا بۆ شێخ جەعفەرى ڕاگه‌هاند، ئه‌گه‌ر به‌حس ل خرابیا ره‌وشا هه‌رێمێ و ململانێ دکەی ترسا ژناڤچوونێ هه‌یه، ژبەرکو هێشتا حزبا تە چەمکێ منافسێ و دوژمنایەتییێ ژئێكجونه‌كرییه، به‌رژه‌وه‌ندییا حزبا خوه ئێخستییه سەر به‌رژه‌وه‌ندییا گه‌ل و نیشتیمان و ده‌ستكه‌فتێن هه‌رێمێدا كو ب خه‌بات و خوینێ ب ده‌ستڤه‌هاتییه و بۆ زانیاریا جه‌عفه‌ر شێخ مسته‌فاى، ئه‌ندامێن مه‌كته‌با سیاسى و سه‌ركردایه‌تیێن پارتى گه‌له‌ك ژ هندێ مه‌زنتر و پێگیرترن کو بچنه ده‌ف كه‌سێن دى و گازندان بۆ بكه‌ن یان ژى به‌حس ل پارتا خوە بۆ بكه‌ن،به‌لكو پێگرییا هه‌ڤالان ب مه‌رجه‌عیه‌تا حزبێ و پارتایه‌تى هند یا بهێزه كو هێرش و گۆتنێن هەوە یێن ترانەپێکرن بەرامبەر ب حزبا هەوە و کەسایەتیێن دناڤ حزبا هەوە بەحس ناکەت.
مه‌كته‌با سیاسی دیاركر، ره‌وشا حالێ حزبا هەوە د راگه‌هاندنێ ژی دانه‌ڤه‌شارتیە و ئه‌م دزانینن ئه‌ڤ هه‌لویستێ ته و حزبا ته ژبه‌ر چییه؟ و ئه‌رێ وه‌لاتیێن كوردستانێ دێ ب ئه‌ڤێ چه‌ندێ رازى بن ل رۆژا روون و ل به‌رچاڤێن هه‌مى وه‌لاتییێن هه‌رێمێ بهێنە تیرۆركرن و حكومه‌ت و داموده‌زگه‌هێن په‌یوه‌ندیدار و دادگه‌هـ چاڤێن خوه ل سەر بگرن؟ ئه‌رێ پشته‌ڤانێن خۆراگرێن سلێمانیێ ئه‌ڤ خۆسه‌پاندن و بێسه‌روبوری د حكومرانیا ئه‌ڤێ ده‌ڤه‌رێدا هه‌یه رازى دبن؟
هه‌روه‌سا ئەم د پرسین تو و هنده‌ك ژ هه‌ڤالێن ته بۆچی هندە ژ داخازا دادگه‌هێ بۆ راده‌ستكرنا چه‌ند كه‌سان كو داخازکرینە بۆ ڤه‌كۆلین لدۆر بابه‌تێ تیرۆرکرنا وه‌لاتییه‌كێ ئه‌ڤێ هه‌رێمێ بێ حال بووینە و د هه‌مى ئاستاندا هەوە ده‌ست ب هێرش و تێكدانا ره‌وشێ کرییە.
مه‌كته‌با سیاسی ل دوماهیكێ دیاركر، ئه‌م ل مه‌كته‌با سیاسى و سه‌ركردایه‌تیا پارتى د بێهنفرەهبووین د بەرسڤدانا چەواشەكاری و گۆتێن بێ بنەمادا، بەلێ بێهنفرەهیێ ژی سنوورێن خوە هەنە.
