ئه‌ڤرۆ دوشه‌مبی” وارشین سه‌لمان قائمقامێ قه‌زا ئامێدییێ پێشوازی ل (ئیرك شوڤالییێ) بالیۆزێ فره‌نسا ل عیراقێ و ئۆلیڤییێ دیکۆتنى کونسولێ گشتى یێ فرەنسا ل هەرێما کوردستانێ و شاندەکێ ل گەل دا کرییه و د دیـدارەکێ دا” کو دو رێکخراوێن فرەنسی پشكدار بوون گەنگەشە ل سەر چاوانیا نووژەنکرنا ( قوتابخانا قوبەهان – منارا مزگەفتا ئامێدییێ – کەنیسا کەڤنا ئامێدییێ)كرییه.
شاندێ فرەنسا سەرەدانا جهێن شوونواری كرینه و ژ نێزیک هایداری ره‌وشا وان جهان بووینه، بریارا نووژەنکرنا وان جهێـن شوونواری دایه و ل سەر ئەرکێ وەلاتێ وان دێ هێنە نووژەنکرن.
قایمقامێ قه‌زا ئامێدییێ خوەشحالیا خوە بەرامبەر سەره‌دانا شاندێ فرەنسا دیارکر و سوپاسیا وان کر بۆ هاریکارییا وان و وێ گرنگییا وەلاتێ فرەنسا د دەتە جهێن شوونواری یێن دەڤەرێ و هیڤی خواست کو ل ده‌مێ بهێت دا هاریکاری یێن فرەنسا ل گەل حکومەتا هەرێمێ بۆ نووژەنکرن و پاراستنا جهێن شوونواری یێن سنورێ قه‌زا ئامێدییێ د بەردەوام بن.
