مەسرور بارزانی ب رێیا تەلەفۆنێ ل گه‌ل خێزانا قوربانی یێن روودانا سلێمانییێ ئاخفت

مەسرور بارزانی، سەرۆکوەزیرێن هەرێما کوردستانێ ب رێیا ته‌له‌فۆنێ گۆتییه‌ كەسوكارێن قوربانییان: من بەرپرس ڕاسپارینە و ئه‌ز ل گه‌ل پارێزگارێ سلێمانییێ ئاخفتیمه‌، کو ئه‌م د ئامادەینه‌ ب هەموو شێوان خزمەتا هه‌وە بکەین و هەر تشتێ ژ دەستێ مه‌ بهێت دێ کەین بۆ چارەسەرییا برینداران ل ناڤا هەرێما کوردستانێ، یان دەرڤه‌یی وه‌لاتی و قەرەبووکرنا زیانێن مادی”.

مەسرور بارزانی پێیشتر ڕاگەهاندبوو کو به‌هییا وێ خێزانێ، به‌هییا هەموویانە و سلاڤێن خۆ ژی گه‌هاندینه‌ هه‌موو کەسوکارێن قوربانی یێن وێ روودانێ.

هەروەسا بنەمالا قوربانییان سوپاسییا سەرۆک بارزانی و مەسرور بارزانی سەرۆکێ حکومەتا هەرێمێ کر، کو د وێ روودانێ دا پشته‌ڤانییا خۆ بۆ وان دەربرییه‌.