وه‌زیرێ ده‌رڤه‌ یێ عیراقێ ل گه‌ل شانده‌كێ بلند یێ ئه‌مریكا كۆمبوو

‌

وه‌زاره‌تا ده‌رڤه‌ یا عیراقێ زانیاری ده‌ر‌باره‌یی كۆمبوونا فوئاد حسێن ل ‌گه‌ل شانده‌كێ بلند یێ ئیدارا ئه‌مریكا و ئاشكراكرنا هه‌لویستێ عیراقێ ‌به‌رامبه‌ر هێرشكرنێ ل‌ ئاسایشا وه‌لاتێن جیران به‌لاڤ كر.

ئه‌ڤرۆ ئێكشه‌مبی وه‌زاره‌تا ده‌رڤه‌ یا عیراقێ راگه‌هاند، فوئاد حسێن، وه‌زیرێ ده‌رڤه‌ ‌یێ عیراقێ دوپاتی ل سه‌ر ب‌ كارنه‌ئینانا ئاخا عیراقێ بۆ هێر‌شكرنێ ل سه‌ر ئاسایشا وه‌لاتێن جیران كرییه‌.

فوئاد حسێنێ بۆ شاندێ‌ ئه‌مه‌ریكا دیار كرییه‌، بكارئینانا ئاخا عیراقێ وه‌ك باره‌گایه‌ك یان ده‌روازه‌ك بۆ هێرشكرنێ ل‌ سه‌ر وه‌لاتێن جیران ره‌ت دكه‌ین‌ و دووپاتییێ ل‌ گرنگییا دانوساندنان و به‌رده‌وامیدان بۆ به‌رهنگاربوونا گوهۆرینان دكه‌ین.