<h3 style="text-align: justify;"><span style="font-size: 18pt;">وه‌زیرێ په‌روه‌ردێ ئاگه‌هدارییه‌ك بۆ هه‌موو ناڤه‌ندێن خواندنێ یێن هه‌رێما كوردستانێ به‌لاڤكر، و هه‌ڤخه‌مییا خوه بۆ شه‌هیدێن كاره‌ساتا شه‌ڤا بوورى یا دهۆكێ دیاركر و داخوازا شیفا و سلامه‌تییێ بۆ برینداران كر.</span></h3> <h3 style="text-align: justify;"><span style="font-size: 18pt;">وه‌زیرێ په‌روه‌ردێ ئالان حه‌مه سه‌عیدى دیاركر، ئه‌و ژبه‌ر شه‌هیدێن كاره‌ساتا شڤێدى یا دهۆكێ گه‌له‌ك د دلگرانن و شیفا و سلامه‌تییێ بۆ برینداران دخوازن، و گوت : بۆ رێزگرتن ل روحا ئه‌وان شه‌هیدان، هه‌موو ناڤه‌ندێن خواندنێ یێن هه‌رێما كوردستانێ ئاگه‌هداركرینه كو سوبه‌هى رۆژا چارشه‌مبى 23ى چریا دووێ یا 2022ێ به‌رى ده‌ستپێكرنا وانا ئێكێ، خۆله‌كه‌كێ وه‌كو رێزگرتن بۆ گیانێ وان ب راوه‌ستن.</span></h3> <h3 style="text-align: justify;"><span style="font-size: 18pt;">ئالان حه‌مه سه‌عیدى دیار ژى كر، پشتى خودایێ مه‌زن، رائد ( عه‌لى سدقى ) و هه‌ڤپشكێن خوه گه‌له‌ك ب وێره‌كانه بوونه ئه‌گه‌رێ قورتالبوونا ( 56 ) قوتابییێن ئه‌وى به‌شێ نافخۆ و رۆلێ سه‌ره‌كى دپاراستنا واندا ئینا، فیدایى و قوربانیدانا رائد عه‌لى و هه‌ڤپشكێن وى شاكاره‌كا فیداكارى بوو ژ پێخه‌مه‌ت قۆرتالكرنا قوتابیان.</span></h3> <h3 style="text-align: justify;"><span style="font-size: 18pt;">وه‌زیرێ په‌روه‌ردێ ئاماژه ب هندێ دا، ئه‌وى رێڤه‌به‌رێ گشتییێ په‌روه‌رده‌یا دهۆكێ راسپاردییه كو به‌رێ بنیاتى بۆ ئاڤاكرنا قوتابخانه‌یه‌كا نوو یان تمامكرنا ئاڤاهییێ قوتابخانه‌یه‌كێ ب ناڤێ خۆدێ ژێ رازى رائد ( عه‌لى سدقى ) بدانیت.</span></h3>
