فه‌رمانگه‌ها میدیا و زانیارى ڕاگه‌هاند، جڤاتا وه‌زیرێن هه‌رێما كوردستانێ ئه‌ڤرۆ رۆژا چارشه‌مبى ب سه‌رپه‌رشتییا مه‌سرور بارزانى، سه‌رۆكێ جڤاتا وه‌زیران دێ كۆمبیت و چه‌ندین بڕگه و بابه‌ت دێ هێنه گۆتۆبێژكرن.
بڕگا ئێكێ ژ كۆمبوونێ دێ یا تایبه‌ت بیت ب هێزكرنا رێنمایى و دووڤچوون و لێپرسین ل پیڤه‌ر و رێنماییێن خۆپارێزی و مۆله‌تێن كارى ل پێناڤ پاراستنا ژیان و سلامه‌تییا وه‌لاتییان.
بڕگا دووێ دێ یا تایبه‌ت بیت ب هه‌لویستێ حكومه‌تا هه‌رێما كوردستانێ لدۆر پێشیلكارییێن به‌رده‌وام یێن سه‌روه‌رییا عیراق و هه‌رێما كوردستانێ.
بڕگا سیێ دا دی پێشنیارا وه‌زاره‌تا كار و كارۆبارێن كۆمه‌لایه‌تى بۆ هه‌مواركرنا په‌یڕه‌وێ داینگه‌هان هێته به‌رچاڤكرن.
