یاداشتنامەکا لێکتێگەهشتنێ دناڤبەرا سەرۆکا زانکۆیا پۆلیتەکنیکىیا دهۆکێ (پ. د. ئارى عادل) و (د. ئه‌حمه‌د یونس) سەرۆکێ دەستەیا ڤەکۆلین و پێشخستنا یێشەسازی یا ب سەر وەزارەتا پێشەسازی و کانزایا عیراقێ ڤە ل بەغدا یا پایتەختێ عیراقا فیدرال هاته ئیمزا کرن.
ب مەره‌ما خورتکرنا پەیوەندی یێن ناڤخویی و نێڤدەولەتی ل گەل دەستەیێن تەکنیکی و پیشەسازی و زانکۆیێن ناڤخویی و جیهانی یێن باوەرپێکری ژلایێ حکومەتا هەرێما کوردستانێ ڤە ” شاندێ زانکۆیا پولیتەکنیکییا دهۆکێ ب سەرۆکاتییا (پ. د. ئارى عادل) سەرۆکا زانکۆیێ سەرەدانا وەزارەتا پیشەسازی و کانزا کر و ژلایێ سەرۆک و ئەندامێن دەستەیا ڤەکولین و پێشخستنا پێشەسازی ڤە هاتنە پێشوازیکرن.
د وێ سەرەدانا زانستی ئەکادیمی دا یاداشتنامەکا لێکتێگەهشتنێ دناڤبەرا سەرۆکا زانکۆیا پۆلیتەکنیکییا دهۆکێ و سەرۆکێ دەستەیا ڤەکۆلین و پێشخستنا پیشەسازی یا سەر ب وەزارەتا پیشەسازی و کانزا یا عیراقێ ڤە هاتە ئێمزاکرن و ناڤەرۆکا وێ ژ (11) بەندان پێکدهێت و پرانییا وان بەندان تەکەزییێ ل سەر چەندین خالێن گرنگ دکەن کو پێکدهێن ژ بیاڤێن جۆدا یێن گشتى و ب تایبەت یێن ئەنجامدانا ڤەکۆلینێن هەڤپشک و پیشەسازی و لێكگوهۆرینا ستافێ ئەکادیمی.
