سەرۆكوەزیرێن عیراقێ د ژارچووڤێ كۆمبوونا خوە دا لگەل شاندەكێ بلند یێ ئەمریكا دۆپاتی ل گرنگییا بەردەوامیدانێ ب كارێ هەڤپشك یێ ئەمریكا و عیراقێ كر ب تایبەتی د بوارێن راهێنان و شیرەتكارییا هێزێن سەربازی یێن عیراقێ.
محەمەد شیاع سوودانی، سەرۆكوەزیرێن عیراقێ د كۆمبوونەكێ دا لگەل جەنەرال مایكل كۆرێلا، فەرماندێ فەرماندەیا ناڤەندی یا ئەمریكا و ب ئامادەبوونا جەنەرال ماسیۆ ماكفارلین، فەرماندێ هێزێن هەڤپەیمانییا ناڤدەولەتی ل عیراقێ و سووریا و ئالینا رۆمانوسكی، بالیۆزا ئەمریكا ل عیراقێ، هاریكارییا سەربازی و هەماهەنگییا عیراقێ و ئەمریكا گۆتوبێژكر.
د كۆمبوونێ دا سوودانی ئاماژە كر، هێزێن عیراقێ دۆپاتییێ ل سەر بەردەوامییا كاركرنێ ل پێناڤی ئێمناهییێ و پاراستنا وان دەستكەفتان یێن د شەرێ دژی تیرۆرێ دا ب دەستڤەهاتین دكەن و نوكە ژی عیراقێ پێدڤی ب هێزین ئەمریكا هەیە ژبۆ رووبرووبوونا گەفێن تیرۆرێ.
