بۆ پشكداریكرنێ دكۆپا كه‌نداڤیدا عیراقێ ڤیزه‌یا وه‌لاتێ خوه‌ كره‌ بێ به‌رامبه‌ر

سه‌رۆكوه‌زیرێن عیراقێ بریاردا رسۆماتێن وه‌رگرتنا ڤیزه‌یا وه‌لاتێ خوه‌ بۆ ئه‌وان كه‌سان هه‌لبگریت یێن كو حه‌زدكه‌ن ل یارییێن كۆپا كه‌نداڤییا 25ێ ل به‌سرا به‌رهه‌ڤبن،و ئه‌و كه‌سه‌ دشێن بێى ڤیزه‌ سه‌ره‌دانا عیراقێ بكه‌ن.

ئه‌ڤرۆ 16ى كانوونا ئێكێ یا 2022ێ ئه‌حمه‌د مه‌وسه‌وى سه‌رۆكێ لژنه‌یا راگه‌هاندنا كۆپا كه‌نداڤى 25 ئاشكراكر، محه‌مه‌د شیاع سوودانى سه‌رۆكوه‌زیرێن عیراقێ رسوماتێن ڤیزێ بۆ ئه‌وان كه‌سان هه‌لگرت یێن كو حه‌زدكه‌ن بۆ دیتنا یارییێن كۆپا كه‌نداڤى سه‌ره‌دانا به‌سرا بكه‌ن.

سه‌رۆكێ لژنه‌یا راگه‌هاندنا كۆپا كه‌نداڤى ئاماژه‌ ب هندێ دا، ئه‌ڤ بریارا سه‌رۆكوه‌زیران بۆ هندێیه‌ پشته‌ڤانییێ ل سه‌ركه‌ڤتنا قاره‌مانییێ بكه‌ت، و ئاسانكارییان بۆ ئاماده‌بوونا مه‌زنترین رێژه‌یا پشته‌ڤانان ل یارییێن كه‌نداڤى بكه‌ت.

بریاره‌ كۆپا كه‌نداڤى 25 ژ شه‌ش هه‌تا 19ى كانوونا دووێ یا سالا 2023ێ ل باژێرێ به‌سرا ب پشكدارییا وه‌لاتێن كه‌نداڤێ عه‌ره‌بى بهێته‌ برێڤه‌برن.