مه‌سرور بارزانی، سه‌رۆكێ حكومه‌تا هه‌رێما كوردستانێ راگەهاند، دوو پیلانێن تیرۆرستێن داعش ل هەولێرێ هاتنە ژناڤبرن و كارێ هێزێن ئاسایش و دژه‌تیرۆرا كوردستانێ جهێ سوپاس و پێزانینێنه.
د دوو تویتان دا، سه‌رۆكێ حكومه‌تا هه‌رێما كوردستانێ پەسنا بزاڤێن سازییێن ئەمنی یێن هەرێما کوردستانێ کریە بۆ بەرهەنگاربوونا تیرۆرێ و ژناڤبرنا پیلانێن وان.
د تویتەکێ دا هاتیە، دژە تیرۆرا مە شیا ب سەرکەفتیانە دوو پیلانێن داعش ل هەولێرێ ژناڤببەت، کو بڕیاربوو بەری ئاهەنگێن سەرێ سالێ کارێن تیرۆرستی بکەن.
رۆهنکریە ژی، د وی چوارچوڤەی دا، چار ئەندامێن داعش هاتنە دەستەسەرکرن، کو دوو ژ وان ژ کەمپا هۆڵ هاتبوونە هەرێما کوردستانێ.
د توتەکێ دی دا، مەسرور بارزانی نڤیسیە: ئەڤە نمونەیەکا دییە، ژ وان کارێن نایاب یێن دەزگەهێن ئاسایش و هەوالگیرییا مە بۆ پاراستنا سلامەتییا هەمیان و ژ کار ئێخستنا تیرۆرا جیهانی ئەنجام ددەن، بناڤێ حکومەتا هەرێما کوردستانێ سوپاسییا وان دکەم بۆ بزاڤێن وان یێن ماندی نە نیاس.
